‘n Quad ongeluk…

My neef was gisteraand in quad ongeluk, hy het teen die druiwe se ankerkabel vasgery (nogal stadig ook) en die een voorwiel het gehak. Met die gespook om die wiel uit te kry maak hy die throttle oop en die quad spring en gooi hom af dat hy op ‘n volgende ankerkabel val. Hy het ses meter van die quad af gelê. Die huishulp het gehardloop en vir my tannie gaan sê, sy het die oom wat hul help op die plaas, gestuur om te gaan kyk wat gebeur het. Nou lê hy in Wilgers met twee plekke op die rugwerwel wat gebreek het, ‘n oop maermerrie en ‘n gekraakte gewrig. Hy is met die Here se genade, nie verlam nie. Al kan hy nie sy eie matriek afskeid Vrydag bywoon nie, sal hy nog steeds ‘n wonderlike lewe kan hê!!! Ek is so bly hy is nie verlam nie of erger dood nie, ek dink nie ek sal myself kan bly as hy iets ernstigs oorkom nie, want ek is BAIE lief vir hom…

Ek ken 'n koei...

Een van ons verse gaan een of andertyd kalf! Ek is so opgewonde daaroor, maar wanneer kom die sogenaamde kalf? Wel, vanoggend het ek gou ‘n draai by Cindy gaan maak en gesien die vers tree snaaks op, sy lyk soos ‘n kat met ‘n opgetrekte rug. Nadat ek haar vir ongeveer vyf minute dop gehou het, let ek dat haar water gebreek het en dat sy nou-nou gaan kalf!
Toe hardloop ek na my oom en my pa toe en gee die nuus vir hulle. Hul al twee dink toe ek suig my duim, ek meen, hoe kan ‘n hoërskool MEISIE weet na watse tekens gekyk word om te sê of ‘n koei of vers gaan kalf. Wel, ek het vir hulle bewys dat ek slim is, sommer baie ook.
Toe sê my pa en oom dat ek en my spul broers haar moet dop hou (oordat baie ander verse sukkel om te kalf). En ons moet ook kyk of die kalfie vorentoe of agtertoe val, want iemand het eenkeer vir hulle gesê jy kan vêr staan en kyk en jy sal weet wat die of dit manlik of vroulik is (as die kalfie opstaan en vorentoe val is dit ‘n bulletjie en as sy op haar boud val is dit ‘n versie)en hulle wil weet of dit waar is…
Ek kry toe so ‘n skelm smile op my gesig, want dis mos simpel!
Ons staan toe en kyk hoe die kalfie gebore en skoon gelek word. Dit vat ‘n ewigheid! Toe die kalfie uiteindelik probeer opstaan val hy vorentoe en na die derde probeerslag slaag hy daarin om op sy bene te bly. Dit het net so lank gevat voordat hy die eerste keer suip… En ag ma maar dis ‘cute!’
Toe my pa en oom later terug is van hul werk iewers op die plaas, om te kom eet, wil hulle weet watter kant toe die kalf geval het, ek sê to ‘vorentoe’ en ons gaan kyk toe wat dit is (‘n bulletjie of ‘n versie). Sowaar as wragtig dis ‘n bulletjie!
Daar leer ek toe sommer nog iets!
En deel weer name uit, sy naam is Chocolate…

Dit gaan so-so met Cindy

Cindy word weggestoot en gestamp by die bale en water, maar as ek ‘n tydjie kry, gaan staan ek langs haar dat sy kan vreet of water drink. As ek haar naam roep tel sy haar kop op en spits haar ore, dan is dit amper asof sy weet nou speel ons wegkruipertjie en dan soek sy my tot sy my kry. Dit is so lekker as sy my hare sopnat lek en dit bietjie kou so asof dit die “in die mode” gras is of as sy my gesig was of met my kop stamp of my onder my boud haak as sy wil hê ek moet saam met haar stap. Dis ‘n gesukkel om van haar ‘n ordentlike foto te neem, sy kom elke keer na my toe en loop my dan amper onderste bo.
Socket is ‘n redelike moeilike kalf, al wat jy moet doen, is hom vang die tiet in sy mond sit en hom bietjie help, hy het glad nie baie krag nie maar kan darem suig.
Pienkie verlang haar dood na Cindy en sy bulk heeldag deur, maar dis darem beter as gister…

"My baba gaan bly in die koshuis"

Ek was besig met skool toe my ma ‘n oproep kry , “Dis pa, hy vra jy moet asseblief kom help met Cindy! Sy moet verse toe.” Ek’t nie twee sekondes geaarsel nie, ek het soos ‘n koeël uit ‘n geweer by die huis uit gehardloop, toe ek daar kom, kyk Cinds my net aan asof ek TE laat is. My oom met ‘n bottel melk en my pa met die houer met kalf pille en ‘n hele klompie werkers sukkel om vir Cindy by die hek uit te kry. Sy loop tot in die hek, draai om en hol terug, so asof daar ‘n roofdier agter haar aan is!!! Toe sy dit die derde keer doen hardloop sy tot teen haar kampie (waar Pienkie nou in is (in Pienkie se hok is die nuwe kalfie, Socket).

Ek vat die bottel melk by my oom en die houer pille by my pa en stap reguit na Cinds waar sy lang haar pel, Pienkie staan, sy het my aangekyk so of ek al uitweg sal kan wees. Toe loop sy met mening na my toe en eet die pille, ek stap toe stadig maar tog met ‘n doel hek toe, met haar kop in die pak loop ek en sy sonder moeite by die hek uit. Seker so tien meter van die hek af gaan staan sy bot stil en bespied wat om haar aangaan, so of niks haar pla nie sit sy haar kop weer in die bak en begin weer rustig vreet. Ek laat my nie twee keer nooi nie en ek loop weer aan.Toe ons by die verse in stap, kyk hulle eers die “mal” kalf aan (sy loop dan so na aan daai gediertes op twee bene), toe kry hulle die hol koors!!! Arme Cindy weet nie wat nou aangaan nie en besluit toe om ook te hol. Dit was skreeu snaaks, sy kon nooit in haar kampie hardloop nie, dit was te klein, al wat sy in die kampie kon doen, was bok… So sy het bok-bok gehardloop.Nou kry sy minder melk en pille ;-(. Dit gebeur nie as haar me vir haar melkof pille gee nie(hulle gee vir haar 700ml en ek top die bottel op met water tot heel bo, hulle gee vir haar 2 (afgeskraapte) blikkies pille en ek hoop die blikkies op en gooi so ‘n bietjie ekstra nog by).

“Amazing”

My kompetisie was “amazing” ek kan glad nie wag tot volgende jaar nie!!!

Ek is 10de!!! My totale punt is 39.00! Vault 8.75, bars 9.00, beam 8.45, floor 8.70, skill 4.1! (die punte is byhttp://www.cgclub.co.za/pages/competition-info.php onder north zone competition boys and girls results)

Ek wens ons het deur die vakansie gimnastiek, maar dit is nie prakties nie… ;(

Ek kan nie wag tot na die vakansie nie! Dan begin die gimnastiek weer!

Woman artistic gymnastics

Ek is deur North-Nationals toe!! Met my Gimnastiek. Ek is 7de met die Limpopo kompetisie, dit was laas naweek. Wel ek was SO verras! Want ek is met niks (nie een van die items), een van die 3 boonstes nie. Toe die tannie sê dat ek 7de is, het ek eers van “skok” gevries (ek het glad nie verwag dat ek sou deur gaan nie), toe my brein in aksie kom, gebeur alles baie vinnig. My totale punt is 9.65! Ek is bly ek is deur, maar ek sê “dankie Here.” En ook “baie dankie aan al diecoaches wat help by die gimnastiek, hulle sit almal na aan my hart!” Die ‘hoof’ was nie daar nie en toe sy net voor sy gevlieg het vir ons sterkte sê was ek amper in trane! Dit was vir my erg, maar sy het ons baie sterkte toe gewens en ek het kans gesien om sonder haar in die direkte lug op te gaan, so ‘n kwartier voor ons moes opstap het ek haar baie gemis. Gelukkig is daar genoeg ander gewees om in te staan vir haar!

Ek wens my vriendin kon ook deur gaan, want sy het van die balk afgeval toe is haar balk punte te laag om haar deur te laat gaan, ek was so “sad” daaroor. Ek sal Norht-Nationals toe gaan met ‘n gat in my hart, ek sal so baie aan haar dink, sy wou nie eers staan vir ‘n foto om vir die ‘hoof’ te stuur nie, gelukig het sy later ingestem!!!

Ek sal gimnastiek nooit los sonder ‘n goeie rede nie, ek sal ook nie ons klub kan los sonder ‘n BAIE goeie rede nie, ek is te lief vir almal daar!

Ek en my “ski-pant”

Ek is reeilik lief daarvoor om met my “ski-pant” te oefen, seker maar omdat ek daaraan gewoond is. Omdat dit so na aan die Limpopo kompetisie is het mycoach besluit om ons sonder ons “ski-pants” (net met die leotards) te laat oefen. Julle dit voel so snaaks! Dit voel amper of jy sonder ‘n broek loop (ek hou niks van ‘n romp nie, want dit voel of ek nie klere aan het nie, so ek trek altyd ‘n “ski-pant” onder die romp aan), die seuns en ons oefen saam so ek en my vriendin voel nog by dit alles skaam! Toe ons vandag moet groet, toe speel ons wegkruipertjie agter ons hande, toe sê die seuns se coach “julle lyk goed sonder julle ‘ski-pants.’” Ek is maar bly as ons in ons “ski-pants” kan opwarm… Gelukkig, na die kompetisie oefen ons weer in ons “ski-pants”.