Plaasjapie

Toiletpapier... Die beste wapen!

2012-02-11T22:09:00.000+02:00

Ek is baie bang vir 'n spinnekop en hoe groter, swarter, leliker en hariger hy is, hoe meer histeries huil ek as ek een sien. Ek het so 'n maand terug my heel eerste een dood gegooi met die toiletpapier, toe eenkeer het die rol gevat en vier dood gedruk. Maar die eintlike storie gaan ek nou vertel...
Ons het net een stort op die werf en dis die een by die woonstel en kantoor. Ek is gek oor stort, so elke aand pak ek my tassie en stap rustig (partymaal op my senuwees) en gaan stort. Die kantoor is vrot van die spinnekoppe, alle kleure, grotes en ag nee noem dit.
(Net gou 'n gewone dag se stort: Kom by die kantoor, skuif die hande handdoek eenkant toe en hang my handdoek op. Dan skuif ek twee matjies voor en langs die een kant van die stort, anders swem die badkamer... Dan stort ek gou, trek aan, smeer partymaal my bene room in die kantoor. Was my hande, skuif die matjies en handdoek elkeen weer op hul plek. Kry al my goed weer bymekaar en loop terug huis toe.)

So kom gisteraand. Ek gaan stort na 'n dag se plant, geniet dit, maar doen dit vinnig, want ek wil goed by die huis klaar maak voor ek in die bed spring! Toe ek klaar is skuif ek die matjies en handdoek reg, gaan sit in die kantoor, smeer my bene room, spring op om my hande te was. Ek is net mooi tussen die badkamer se deur en die wasbak toe ek die DING sien (tussen die stort en blou kanne), ek kry net daar stilstuipe... 'n Rilling loop al langs my ruggraat af.
Meneer besluit toe hy wys my hy leef, al is hy bietjie nat!! Hy gee een treetjie, nogal weg van my af, toe gee ek DRIE agtertoe. Drie GROOT tree! Ek hol die badkamer in en gryp my plakkies en is weer soos blits daar uit! En eindig op die stoel aan die regterkant van die badkamer se deur en daar begin ek tjank...
Ek oorweeg weghardloop. Huis toe! Maar die gedagte skiet deur my kop, as ek hom nie nou vrek maak nie, weet ek nie waar hy is nie en netnou maak ek my lekker toe in my handdoek en dan loop meneer hier langs my gesig, op my handdoek, op my skouer. Dit sal soos GLAD NIE cool wees nie!! Dit gee my toe die moed om van die stoel af te spring, die badkamer in te hol en op die toilet te gaan staan. Daar bewe ek so groot soos ek is en ek tjank histeries!
Ek sak af tot op my hurke, hou die spinnekop aan my regterkant dop en haal die toiletpapier aan my linkerkant uit die houer uit. Maar ek bewe so ek kry dit skaars reg! Ek staan weer regop en rol die papier weer op (dit was amper meer af!). Ek lek die papier nat, sodat die helfte nie in die lug afrol nie. En toe GOOI ek om dood te gooi!!
Dis mis, dis wragties mis!! Super stressed, begin ek weer van voor af huil, want die toiletpapier is langs spinnekop en hy LOOP!! Ek spring van die toilet af, gryp die papier en wil net weer terug hardloop, toe ek besluit ek gaan die rol op hop 'drop'! Die papier raak skaars grond toe spring ek al uit die badkamer uit!
Ek loop stadig in, en begin die spinnekop bekruip. Daar is hy... Ek vries en kyk vir hom, hy het sy bene ingetrek en lyk nou na 'n klont grond. Ek kyk die toiletpapier wat so 'n sentimeter van hom af lê en tjank sommer weer. Toe doen ek soos blits...
Ek gryp die toiletpapier en ek hol uit!! Daar dink ek aan 'n plan. Ek moet hard gooi dat die papier weg hop. Ek bekruip weer die spinnekop, stadig maar met vasberading en 'n doel! Stop. Staan regop. Mik. En... Gooi, baie hard. Met een hop, hop ek met 'n massive gil, die papier en die spinnekop!!
Ek bekruip WEER die spinnekop! Gryp die papier en tjank 'n snotskoot! Ek moet net seker maak hy is mors dood, ek wil hom nie bewusteloos of half dood of net dood hê nie! Ek WIL hom mors dood, vrek hê! Dooier as dood!! Met 'n blits beweging, ek bedoel werklik vinnig, vinniger as my skaduwee, druk ek hom twee keer met die rol papier, spring op en hol uit die badkamer met die papier in my hand.

Nou moet ek vir spinnekop daar weg kry... Ek loop terug en kry vier ou rolletjies (wat gebêre word vir my tannie se Gr.R kinders vir kuns), druk dit in mekaar, kry sellotape en plak al die gate toe, behalwe een...
Ek vat my toegeplakte "pyp" en stoot die spinnekop tot hy in die ding is. Plak ek die laaste gat toe, bere hom voor in my sak, was uiteindelik my hande, gryp al my goed. En stap met mening, snuif snuif huis toe...

Hoop ek het jou dag gemaak! In die situasie was dit vir my glad die snaaks nie, maar nou... Dis hilarious!!

Wit

2011-12-10T18:56:00.001+02:00

Wit vertoon altyd sag, tot lig op dit val, dan word dit skerp... Wit laat my dink aan skoon, blink skoon. En die blomme laat my dink aan hoe groot God ook al is, hy maak fyn en klein goedjies. En hulle is so perfek!!

Bauhinia

Ek onthou met Johan se doop, toentertyd so tien jaar terug was die boom se blomme aan die vrek kant, maar ek het blomme gepluk vir my ma...

Bauhinia

Toe ek klein was het ek baie met die bauhinia se blare gespeel. As die blare nie vlinders was nie, was daar 'n klompie in mekaar en was dit my Bybel...

Bruid van die Bosveld (Drolpeer)

Die drolpeer kan rerig nie 'n bruid wees nie, ek dink nie daar was of sal ooit 'n bruid wees wat so stink nie! Wit mag dalk ooreenstem, maar niks meer nie!

Oupa se aster....

Na 'n lang gesoek kry ek toe die blom se naam, nogal een of ander aster. Wel hoekom ek sê oupa se aster, is oordat my Oupa my Aster noem.

Dis 'n vieslike bossie se blom, maar die blom het my aandag getrek oor sy snaakse blaartjies!

Aarbei blomme

My ouma het klomp aarbei plantjies! Die blommetjies lyk altyd so mooi, maar dit is 'n gesukkel om 'n mooi een af te neem. Ek wens daar is soveel aarbeie soos wat daar blomme is!

Ammarilla

Ouma het gevra ek moet die sneeu-wit kol in haar tuin gaan kyk, ek het net daar weer besluit, gryp die kamera sussie... En wel ek het 'n paar fototjies geneem!

Nuusskierige gesiggies

Die fototjie laat my dink aan 'n klein dogtertjie wat borrel van vreugde!

Leticia

2011-11-08T16:54:00.000+02:00

'n Uittreksel uit Wikipedia:

Leticia, Letizia (and other variants), derived from the Latin greeting laetitia ("joy", "gladness", "delight",also the name Roman goddess of fertility and abundance), can refer to:

Places:

People:

En dan 'n gedig deur A.G. Visser:

“Laetitia”

‘n Lied van frisse maagde-skoon,

Blou oë waarin die hemel woon,

Van lokke wat met songoud gloei,

Van wange waarop rose bloei;

‘n Mond waar soentjies lonk en lag;

Op lippe roos en warm en sag,

Van hande vlug en wit en fyn,

Bekoorlikheid in elke lyn;

‘n Glimlag van onse Heer!

Lieftalligheid van Gods gena,

Laetitia Dulcissima!

With love from Russia...

2011-11-04T16:48:00.000+02:00

My oom kom vandag by die huis aan en roep my vanuit sy bakkie, toe ek 'n entjie weg is toe sê hy ek moet 'n skêr saambring... In my kop hol die moontlikhede rond, maar die logiese is dit 'n lisensie skyfie.

Ek gee vir hom die skêr en hy gee vir Andre 'n ballon, ek is van 'okay wow, dis seker weer iemand wat 'n spul helium ballonne die lug ingestuur het en dit nou iewers op die plaas, aarde toe gekom het.' Hy haal toe nog 'n ballon uit, maar die ballonne is aan rerig BAIE lint vas gemaak! Toe vra hy of ek 'n South Africa child is... Dis rerig weird, ek meen ek is hier gebore en tot nou toe bly ek hier, en hy weet dit mos, hys my oom! Daarna haal hy vir my 'n hasie van die lint af, en sê "To a South Africa child. With love from Russia"

Aw, dis 'n oulike klein bunny!

My oom het die klomp goed gekry waar hulle aan die draad gehang het.

Party ballonne was woes gekrap, ander het weer so erg gebars, Andre se dis spinnekoppe.

Thanks vir die ou wat die hasie gelos het, hy het huis gekry en ek like hom stukkend!

Blog award!!

2011-09-06T15:50:00.000+02:00

I got a ‘blog award’ from Melissa, from “Just a girl?” Thanks Melissa!

To get this award I have to share seventhings about myself and pass it on to 15 (or less) other blogs.

1. I am a Christian, loving thelife (most of it) that God had given me. And I love Him so, SO much!

2. I love the farm, it's sort ofin my blood...

3. I am crazy about capturing somephotos! And later (when I have some time on hands) to do scrapbooking with it,or just blog with it.

4. I'm one of four children, andthe only girl in my family in South Africa.

5. I like gymnastics (and coachingit), its the best sport I ever did!

6. I like to raise calves.They are like my baby's, and HARD to let them go when they are old enough!

7. I like spending time withfriends and family!

The people I have chosen to pass this award onto are:

. Autie

· Farmgirl

· My mom

· And Ali

All you have to do is share seven things aboutyourself and tag môre blogs (15 max)

Braai boudjies...

2011-08-09T14:43:00.028+02:00

As jy van foto's neem hou, voel dit later of jy al als afgeneem het. Dan begin jy goed soek om af te neem. Met die dat ons 'n naweek gaan wegbreek, kom ek in die garage waarin ons die kamp-waentjie getrek het. Raai wat sien ek daar....? Massas hout en 'n enorme swartpot!! Haai hier gaan ek die kleintjies nog kom afneem en nie lank nie of ek het hulle daar in die pot in... Ek is mal oor al die gesiggies!!

My nefie - die beste gesig van almal!!

My kleinste boetie - hy was nogal ongemaklik...

My middelste boetie - seker die malste een!?

Dan die laaste foto is deur een van die sluise van 'n leë wa geneem.

My nefie - in die wa.

Affodille!!

2011-07-29T15:34:00.000+02:00

Winterkind... Dis lekker koud, en dan is die blomme so mooi, dit bring kleur, nogal 'n warm kleur die winter in.

Ou spinnekoppie

WINTERTUIN BLOM

deur Riane Venter

Affodil met jou geel oop bek

fluit vrolik hier jou lewenslied.

In winterkou en son so flou,

weerklink jou stem van hoop

Affodil jy's 'n blom van hoop

verkondig lewe al lyk dit grou

n geel gewaad ons aan te bied,

die wintervaal met kleur te dek

Affodil jou goudgeel glimlag plooi

in sierlike kroon ,met kop omhoog

vang jy sonnestraal en tooi

die wêreld in 'n lushof vir die oog.

Affodil leer my ook hoop en krag

te ontmoet in elke nuwe dag

So vinnig gaan jou tyd verby

tog bly jou les van hoop my by.

Die kleinheid waar lewe ontstaan

Kyk jy kan verby plate en plate blomme ry of loop en sê jy het dit gesien en dit was mooi. Maar dan jok jy eintlik, want die geheel was mooi, as jy elke blommetjie van naby beskou kan jy met eerlikheid se hy is mooi of nie. Selfde geld in die lewe, met jou verhouding met ander mense. Jy kan nie oordeel of iemand goed of sleg is voor jy nie saam met daai mense gewerk het en deur dik en dun is saam met hulle nie.

Drie... DIE getal

Helder skyn hy...

Maak jy ook so 'n inpak op die mense wt jou sien? Staan jy ook so uit?

'n Bos blomme, net vir jou!

Ek gee vir elkeen wat na aan my hart lê 'n warm geel blom.

Vir lewens... Hmmmmmm? LUS?

En vir die wat my blog lees, sommer 'n lewenslustige een ook.

Son straaltjie

Die was vir die snaaksgeid, maar dit het so mooi uitgekom dat ek dit net moet deel.

'n Liedjie net vir jou...

Aw baba!!

2011-07-09T11:22:00.001+02:00

Aw julle ons het die oulikste, kleinste nuwe kalfie!! Hy is so groot soos 'n skaap lammetjie!! Okay sy ma is ook nou nie een van die grootstes nie. Maar hy is te oulik!

Hy is op en aan die gang! Hy spring soos 'n lammetjie rond en is sommer net laf!!

Die klein rakkertjie is vreeslik wakker en bly maar altyd naby sy ma! Die ander beeste kyk hom snaaks aan. En hy gee nie om nie! So 'n regte klein mal dingetjie!

Hy is so klein hy kan onder deur sy ma loop sonder om haar rerig te pla!!

Na al sy manewales word meneertjie vinnig moeg en hardloop baie keer voor sy ma uit en gaan lê dan en wag tot sy weer naby is!!

Hy is te oulik met sy groot oortjies...

En ogies!!

Hier was hy so drie dae oud. Maar steeds bitter klein!

'n Woeste daggie...

2011-07-03T04:47:00.000+02:00

Die beeste het weereens besluit die draad lyk goe genoeg om op te voeter, dit op betaal naweek met 'n snerpende koue wind, en toe kies bees se kind nog die plek met die meeste klitsgras en ek weet nie wat se soort bossie nie, al wat ek weet, daai bossie hou van in jou skoenne klim en dan byt hy die blou wilde waks uit jou uit. Soos altyd het ek my kamera by my gehad en 'n klomppie snaakse fotos te neem.

Met die foto het ek deur 'n ysterpaal se gaatjie die draadtrekker afgeneem.

Hier het ek weer die doringdraad van nader bekyk, as jy mooi kyk sien jy self die spinnekop se drade...

Hierdie is die bolwelf van die krip.

Hier geniet 'n koei en 'n klein bulletjie die lekkerte van beeswees: lek.

Die twee oulikste en nuuskierigste kalfies onder die son!

Besig om bale te laai met die imobilie, vir Cindy kind en die res van haar trop.

The power of worship...

Cindy geniet die bale op die wa...

Andre se maag na Cindy hom geskep het met haar horing en haar ma haar amper iets aangedoen het!

My creative brain...

2011-06-26T19:15:00.000+02:00

As ek 'n rede kry om my stokperdjie te doen, vat ek hom met alby hande vas!!

My tannie kom kuier nogal gereeld hier, dis nou as sy nie in die pakstoor werk nie. En ek het saam met haar gesit en scrapbooking doen dat dit bars! Dis 'n LEKKER tyd!!

Ek het 'n kuns talent van God af gekry, wat ek dalk meer aan moet werk.

Laat ek by my eintlike storie kom! My ouma bel na my ma se foon toe, ek antwoord toe, oordat my ma besig was, gee my ouma vir my die boodskap om vir my ma te gee. Die boodskap was dat my ouma-hul na hul my oom (van New Zealand) opgelaai het by die lughawe, na ons toe gaan kom en die aand by ons oorslaap!! Ek was so te sê geskok tot op my been! WAT!? Kom my oom SA toe!? Ek het op en af gespring, vir alles en almal gesmile, en my arme Pa teen die mure uit gedryf!!

My ma en haar boetie.

Ek het toe dadelik net een ding op my brein (skool kan gaan vlieg), ek gaan vir my drie nefies en twee niggies elkeen 'n scrapbook-kaartjie-boekie ding maak.

Die vier seuns en my oom trek 'n bobejaan-gesig!! LOL!!!

Ek het begin deur al vyf te vou en toe te plak. Daarna het ek die boodskappies getik en die foto's gesoek. Toe het ek die voorblaaie gemaak en die boodskappies geprint en geplak. Ek het die Bybel alfabet in 'n wiel in elke boekie gesit. Toe het ek die foto's laat maak en toe kuier my tannie weer hier. Sy het gehelp foto's plak ('n maand na my oom hier aangekom het) en tags maak, ons was net-net betyds klaar dat my oom dit kon saamvat New Zealand toe. Dit was vir my vreeslik om daai stukkie van my, wat 'n hele maand lank my misie was en amper elke dag se werk, te moes wegstuur, net toe ek dit klaar gemaak het, ek kon nie eers eenkeer daaroor slaap en trots wees nie. Maar nou, nou is dit saam met bitter baie liefde by die ontvangers, die mense waarvoor ek dit gemaak het!!

Ons vier kinders saam met my oom!

Gaan kyk gou langsaan na die slideshow.

My Level 3 jaar...

2011-06-19T06:41:00.000+02:00

My eerste Level 3 kompetisie was by TSG. Ek het myself verbaas en silwer algeheel gekry! Die foto is op vloer geneem, waar ek in my candlestick 'staan'.

Met die Limpopo kompetisie het sesde (en laaste) in my ouderdomsgroep gekom. My spronge het my algehele punt laag gemaak. Tog is ek deur na North Zone. Die foto is geneem net voor my stradle-sprong.

Dit was vrek koud met Nort Zone! Weer het ek myself verbaas en is sesde van tien! Ek het voor elke reeks gebid, maar voor vloer was dit bietjie dol en ek het nie gebid nie. My vloer was totale chaos! Wys jou net, God sal help vra jy net! Die foto is geneem aan die begin van my vloerreeks.

Na die yskoue North Zone kompetisie, terwyl die prysuitdeling aan was.

Dankie Heer vir 'n wonderlike gimnastiek-jaar!!

'n Vers en 'n man se kop werk baie die selfde!

2011-05-16T00:29:00.000+02:00

In my hele lewe, nooit sou ek my die dag kon indink! Nou is dit werklikheid! My "baba" wil nie na my toe kom nie! Ek moet erken ek was LANK terug by haar. Of maak dit 'n maand terug. Nou ewe skielik, weier sy dat ek aan haar vat. Ek mag nie eers my hand na haar uitsteek nie.Maar, slim vang sy baas! Ek het besluit, die volgende keer wat ek na haar toe gaan SAL ek pellets saamvat. So maak ek toe en vat vyf blikkies saam. Dit was 'n stryd om haar te kry om die goed te kom vat. Na 'n paar pellets op die grond en 'n paar keer se skud van die bak het sy wel gekom en haarself kom vol vreet!
Nie uit die bak uit nie maar uit ma se hand uit! Later het ek haar bietjie begin vryf. Wat 'n stryd! Ek mag net haar kop, nek en boude vryf! En ook net as sy seker is daar is pellets in my ander hand! Sy is net soos 'n man, al hoe jy by haar hart kan uitkom is deur haar maag! Anders kan jy vergeet!
Toe die pellets op was het sy 'n 'n paar keer kop gestamp en die dat ek haar dan net vryf, het haar nie aangestaan nie. Pad-vat was volgens haar toe die beste opsie en 'ma' moes toe maar omdraai en baai sê. Tog effens vererg oordat sy 'n 'manne streep' op my kom staan en trek!! Ek sal nogal nie verbaas wees as sy dragtig is nie!

Wat's dit!?

2011-05-01T22:47:00.002+02:00

Ons ry vandag verby die een plaas se hek en met die verby ry vang 'n oog een of ander snaakse gedierte! Net daar word briek getrap en omgedraai! Hmmm.......... Soek, soek, en daar is die bewyse, dit is bobbejaan se kind! Amper val ek van my voete af! Dis die eerste bobbejaan op ons plaas! nou weet ons ook wie so versigtig mielies een, en die bewyse oop en bloot los!

Eina-pyn!!

2011-05-01T20:54:00.000+02:00

Hoe kan mense so wreed wees!? Hierdie vers is in haar horing geskiet. Die horing het later afgeval. Maar kyk net hoe lyk dit!!

Oupa kom!

2011-04-30T16:00:00.022+02:00

My kleinste boetie was so opgewonde oor Oupa wat oppad is dat hy vir hom 'n stoel gevat het en die hek se sleutel en daar gaan sit en wag het.

Die muskiete het hom opgevreet, maar toe ek noem dat hy gou moet kom tabard smeer, sê hy net "nee, netnou kom oupa en dan is ek nie hier nie. Gaan haal jy dit maar"

Min wetend dat oupa eers na skemer naby ons sal wees het hy daar bly sit, en net nou en dan sy stoel verskuif dat die muskiete hom eers bietjie soek....

Morning Glory

2011-04-30T13:21:00.054+02:00

Vanoggend is staan ek stil by die heerlikheid van dagbreek, 'n nuwe dag. Ek kyk na die 'glory' uit verskillende hoeke uit. En vang ook 'n paar hoeke vas! Kyk na die fynheid van alles en besef weereens hoe groot God is en hoe fyntjies hy ook geskep het! Die skepping is 'n wow!!
glory noun 1 fame and honour. 2 praise. 3 beauty; magnificence.

Glory to God in the highest, and on earth peace, good will toward men.
~ Luke 2:14 (KJV)

Glory ye in his holy name: let the heart of them rejoice that seek the LORD.
~ Psalm 105:3 (KJV)

Sien vandag die klein goedjies raak! Knip jou oog vir 'n klein goggatjie en spring op en af as jy goeie nuus kry, vra wat die rede is as jy dalk slegte nuus kry, bo alles hardloop iemand wat jy lief het onderste bo net vir 'n drukkie, en gee 'n geskenkie (al is dit net 'n grashalmpie!) aan iemand wat dit die minste verwag!

Uithou vermoë van 'n bulterriër!

2011-03-28T08:24:00.000+02:00

Ek voel sommer sleg as ek na my blog kyk! Ek skeep hom regtig af!! Geluking leef ek nog want ek is aan die gang, permanent! En dis so LEKKER!! Ons "trek" al beeste vir die afgelope week! Dit klink nou onmoontlik, maar dit is rerig so!

Woensdag het ons begin en ons het vandag uit eindelik al die beeste geskuif! Woensdag toe maak ons die trop by mekaar en net toe ons dink dis almal, toe hoor ons daar is twee kalwers deur die draad en ons hoor groot beeste agter ons bulk. Ons los toe die massa en gaan haal die res. Soos 'n bees maar is loop hul weer weg! Die hele oggend spook ons met die beeste en die middag word die twee kalwers gesoek, waarvan daar toe niks gekry is nie.
Donderdag is die kalwers weer tussen ons. En ons maak die beeste nog 'n keer bymekaar. Ons maak die draad los en jaag die wat agter gebly het weer nader. Toe "begin" die trek, eers kolk die beeste so saam dat ons hul nie in die pad kry nie en toe is die beeste in die pad en soos altyd is dit weer choas!
Die volgende oomblik spring die hele trop om en hol die buurman se draad in mekaar! Skaars 'n uur daarna bel my oom en sê, hiers 'n koei in 'n strink en willer as die wildtuin self, ons paartjies gaan haar nie kan vang en los maak nie. Daar gekom maak hul haar los en toe al die manne haar los en sy haar nodige asem weer terug het, storm sy op my oom af en is so half-half oor hom.
Daar kry hul toe nog 'n nek-strik! Nie lank daarna nie is ons weg van my oom af en toe bel weer, die selfde storie. Dis toe dat ek saam loop. Maar julle dit lyk of die duiwel in hul ingevaar het, sy hol rond, pluk omtrent haar kop af met die kabel-strik om die nek. Roggel en die tong hang langs die bek uit. Dis iets verskrikliks. Toe die manne haar los vat sy die pad en ek het guts om nader te staan toe dit die volgende koei (sowat 15m verder) se beurt is. Weer vang ons die koei en knip die kabel los, dan hol sy bok-spring en gooi haar nek laat myne sommer seer word. Ons het so tien strikke los geknip, hoeveel daar nog in daai bos is wil ek eerder nie weet nie!
Toe ons eindelik die beeste sommer oor die grensdraad, weer by ons plaas in het, en die draad reg gemaak word, roep die een van die werkers my pa en oom. Ek wil toe saam loop, toe sê my pa nee bly hier. Die volgende oomblik roep my pa my "kom neem dit af!" Ek gaan toe daarnatoe en neem die gesig af! Dis aaklig!!

Die werker vertel toe: "toe die beeste omswaai en by die bos hol het ek iets gesien wat hop hier by die draad. Toe ek kom kyk ek, ek sien die wolf. Hyt gelewe, maar hy was mal!" Wel, toe ons daar kom was die bruinhiëna al dood en dis duidelkik dat hy al lank daar was! Hyt 'n sirkel van so 5m plat geploeg soos hy probeer loskom het! En drie boompies van so 5cm dik afgevreet, hy het aan klippe gebyt, want dit was vol bloed en tand merke, die gras was plat en die draad het gegaap.

Die strik was bedoel vir klein wild (vlakvarke of klein bokkies). Nog iets dis die hiëna se tweede strik! En so ook sy einde gewees! Die middag probeer ons toe weer die beeste in die pad kry maar dis nag, hul bly agter!

Vrydag het ons weer probeer, net vir oulaas! Maar tussen die beeste wat agterbly en die wat nie wil uit by die draad nie werk dit net nie! So bou ons toe krale Vrydag middag en Saterdag! En ek kyk hoe bored ek kan raak!!

Maandag maak ons toe vir oulaas die laaste paar goedjies reg en trek met die trok! Tussendeur gooi ons "poor on" op die beeste.
Dinsdag, is ons vroeg op om die die laastes en die wildstes, die skoppers en die fighters te laai!
Dis rof en onbeskof, die laaste vyf-tien beeste het ons moeg gehardloop, en hul word nie moeg nie, maar hul storm en gaan mal!
Hulle spring oor die hekke, breek hekke, hol mense om en skop hulle (so ook vir ouboet), so ook het hul probeer om oor die 1.8m hoë kraal hek te spring!
Dit was soos 'n nagmerrie in die dag!
Die laaste koei is net so wild, sy haar horings is ook gesny toe ons haar uiteindelik in die drukgang (een keer in 'n leeftyd) en ons het haar oor 'n V gegee. Sy klim eerste slagpale toe saam met haar wilde vers maatjie (volgende parragraaf), wat lankal al 'n V in die oor het!
Die heel laaste vers, let wel VERS het ons gedaan gehad, haar neus het gebloei en sy het oor als gespring, die laaste keer wat sy gespring het was oor 'n 1.5m hek en toe struikel sy en almal pak haar soos 'n sprul wildehonde, gryp die kop en pote, toe sleep ons haar drukgang toe, sy het gesorg dat elkeen iewers seerkry! Dankie tog hulle is almal nou getrek!

En wie sou kon dink....?

2011-03-13T15:52:00.041+02:00

Ek het 'n kwaai Pa en ek is baie lief vir hom, al kan hy my kwaad maak soos my boeties. Wel, terwyl ek in sy huis is sal ek met 'n romp of 'n rok kerk toe gaan. Op die oomblik is my kerk klere besig om te klein te raak, (so tussen die groeiery en die gimnastiek resultate deur) en ek en my Ma moes gaan klere soek! Dis altyd die grootste nagmerrie wat my kan oorkom "kerkklere soek". Klere koop is maklik en kan nog lekker uitdraai, maar met kerkklere is dit net een massiewe stryd oor waarvan ek hou en wat my pas, en dan wat my Pa sal toelaat! So loop ons in die winkel rond en daar is niks waarvan ek hou nie! Op die ou end gryp ek 'n PIENK rok! Wat 'n skok! Ek't besluit ek gaan my Pa skok! Haha en was hy nie geskok en verbaas nie! Maar nou moet ek die rok elke keer dra! Dis omtrent 'n bakleiery van ek hom aan het tot ek hom weer uit het.

New Zealand (2001)

Dit laat my dink aan kleintyd, toe ek met my rooi rok al in die rondte geswaai het en "kom dans met die rooi rok" gesing het!!

Nou is dit die teendeel, en ek moes net wys ek sal, maak nie saak wat nie, bly boom klim en trampoline spring...

THE POTATO STORY

2011-03-03T20:08:00.000+02:00

Once, a junior School teacher asked her students to bring some potatoes in a plastic bag to school. Each potato will be given a name of the person whom that child hates. Like this, the number of potatoes will be equal to the number of persons they hate.

On a decided day, the children brought their potatoes well addressed. Some had two, some had three and some had even five potatoes. The teacher said they have to carry these potatoes with them everywhere they go for a week. As the days passed the children started to complain about the spoiled smell that started coming from these potatoes. Also some students who had many potatoes complained that it was very heavy to carry them all around. The children got rid of this assignment after a week, when it got over.

The teacher asked, "How did you feel in this one week?" The children discussed their problems about the smell and weight. Then the teacher said, "This situation is very similar to what you carry in your heart when you don't like some people. This hatred makes your heart unhealthy and you carry that hatred in your heart everywhere you go. If you can't bear the smell of spoiled potatoes for a week, imagine the impact on your heart of this hatred that you carry throughout your life..."

MORAL:

Our heart is a beautiful garden that needs a regular cleaning of unwanted weeds.

Forgive those who have not behaved with you as expected and forget the bad things.

This also makes room available for storing good things.

HAVE A LOVELY POTATO-FREE WEEK!!

Ek het gerip!! Whoopie!!

2011-03-03T08:50:00.000+02:00

Dit was 'n BAIE lekker gimnastiek dag! Ons oefen ons afgaan van die bar af. Ek moet cast en dan my voete tussen my twee hande inbring. Om dit te leer het ek op die highbar geswaai. En 'n heerlike, pynlike verrassingtjie gekry!! Ek het so amper weer op die highbar geklim en verder geswaai en geleer om my bene in te bring!

Ek het gerip!! Na ek my pleister en apie-bloed gekry het, het ek terug gegaan highbar toe. Wel, ek het skaars een swaai gegee, toe roep my coach my beam toe!

Kyk net hoe lyk my hand nou, na drie dae.

Waatlemoene

2011-02-05T17:12:00.000+02:00

'n Oom het op die sandplaas waatlemoene geplant. Dit was vir my vreeslik interesant hoe dit gedoen word en ek het dit gevolg en soveel moontlik foto's geneem van hoe die waatlemoene geplant en grootword.

Hulle het bietjie ontbos, want waatlemoene moet of op BAIE ou lande geplant word of daar waar nog nooit geplant was nie. Hulle het 'n deel van die bos en 'n deel ou land gebruik!

Die land is geploeg met 'n skottel ploeg (iets wat ek nie ken nie).

Daarna het hul gaatjies gemaak met 'n impliment. Dis so cool!!

Die impliment van naby...

Hulle het die waatlemoene met die hand geplant, klomp klein plantjies.

Die plante het groot geword, en begin blom. So het die waatlemoene begin vorm en die oom het water gegooi met 'n waterkar, die kon al amper die pad sonder 'n trekker vind van die dam af tot by die land. Die waatlemoene het geswel tot hul gepluk moes word.

Die oom het so ongeveer vier plukkers, sodra die plukker gekies het die waatlemoen moet gepluk word, sny hy hom los en dit die waatlemoen op sy stingel kant. As die waatlemoen op sy groei kant gesit word, verhoog dit die kans op vrot en sleg word. Onthou, die waatlemoen groei en word langer aan daai kant, met anderwoorde dis sy sagtekant en is nog nie sterk soos die stingel kant nie.

Daarna tel die werkspan die waatlemoene op en paas dit aan tot waar dit die wa bereik, dan word dit gelaai en weggery.

Jy kry dit in die winkel en al moeite wat vir jou daar ingaan is om dit te koop en dalk kar toe te dra, jy dra geen koste vir die spuit teen siektes, die water aanry dag na dag, die plant van hoevele plantjies in honderde of duisende gaatjies, die aanry mark toe ens.

Die ergste is daar word gesteel, baie op 'n slag! So daar moet sekuriteit ook wees, wat self ook maar steel.

Ons kom nou die dag op die plaas om vir ons werkers op te tel, en na ons opgetel het ry ons aan en teen die grensdraad op, wat wag toe op ons? Twee bakkie vragte se waatlemoene wat mense kom steel het om te verkoop! Wel, as jy wil hê maak jou mond oop en vra, maar as jy steel van die grond af, sal ons dit vat en jy kry niks daaruit nie, want jy kan nie vra nie! 'n Paar dae daarna gaan maak ons weer daar 'n draai, toe vang ons die skelems in die land, besig om waatlemoene bymekaar te maak, en langs die grensdraad lê daar toe drie bakkie vragte waatlemoene! Op een vrag kom sowat 70 waatlemoene... Net om jou 'n idee te gee.

Wel wat kan nou lekkerder wees as 'n koue waatlemoen op 'n warm dag net na gimnastiek? Ek dink niks!!

Die Desember vakansie!

2011-01-17T05:23:00.000+02:00

Ek het die vakansie voluit geboer! En dit baie geniet! Behalwe dat party mense my heeltyd aangekyk asof ek 'n paar biljoen dollar (ek praat nie nou van Zim-dollars nie) werd is!

Ek het gedis van middel November af tot so middel Desember. Nog in November, hier na die einde se kant toe het ons so 'n reënbui gehad, en kolle op die plaas was dit klam! Met die gevolg die dis pak vir 'n vale! En ek moet op alby kante van die land en party keer in die land stop om die dis skoon te maak. Dit doen jy met 'n stuk yster of as jy moeg is slaan jy daai skottels met die hamer! Die dag was ek moedeloos! Moeg vir die klein stukkie yster, moeg vir die seerkry as hy gly (en my vingers vermink), moeg vir die spul bossies en klei, en ek gryp daai hamer, as hy lewend was het hy geskree "hooo nou!" Ek slaan toe die dis dat ek voel hoe die blase begin vorm op my hand. Maar slaan slaan ek en dan is dit nog bedompig so ek is ekstra geireteerd! Na sowat drie draaie (of ses lengtes) slaan ek nog met alle mag en krag, toe vlieg die hamer se kop en val reg voor my voete, toe klap ek die skottel met die stuk hout! Dis nie lank nie of ek het die hamer weer in een stuk. Na nog 'n paar draaie besluit die kop om weer te vlieg. Toe bel ek my pa en sê "ek het nou genoeg gesukkel, ek soek nou 'n ordentlike hamer wat nie sal kopverloor nie." Die volgende dag het ek weer die selfde hamer net met 'n bietjie natter steel!

Dan was daar nog sulke klein kroonkiewiete, ek het 'n paarkeer die briek plat getrap, dan is ek in 'n hoë rat en die vet vol oop! Dit voel party keer of jy gaan vlerke kry! Ek het een aand tot na 21h00 gewerk, en daar was klein kiewiete in die land, ek het later gestop en agter hulle aangehardloop en daar gaan sit waar klaar gewerk is (want my boetie het agter my gewerk met die ripper). Ek het soos hul ma geluister om hul te hoor dat ek hulle kan optel en kan wegvat. Party keer moes ek my kop op die grond sit of rond kruip soos 'n kleintie. Die ergste was die jakkals wat nie ver van daar was nie! Want hyt geroep en geroep! Die kiewietjies se ma het my 'n paar keer gevloek tot ek hul kleintjie neersit, dan is als weer reg.

Toe het ek na 'n dag (met baie uithou vermoë) eindelik geploeg. So tussen die werkery deur was daar dae wat te nat was wat ek kon doen wat ek wil! En dan was daar dae wat dit gereën het, dan maak ek die eendraai klaar en dan wag ek langs die land tot dit opgehou het. Later as dit droog genoeg is (dat die turf nie aan die wiele klou nie) dan begin ek weer werk. Ek het eendag perongeluk die draad gehak met die dis. Maar gelukig het ek 'n goeie kondaai gehad, en was dit net eenkeer nodig om aan my twee base te verduidelik wat gebeur het.

Ek het ook die vakansie sojaboontjies geplant. Voor die tyd het my pa en oom my half bang gepraat (ek het rerig aangejaag wat die dis aanbetref, want ek hoef nie reguit en op die kontoere te bly nie), want ek kan nie reguit ry nie en ek sal nie kan draai nie, sommer 'n klomp goed! Toe die dag aanbreek dat ek gaan plant is ek opgestress! Met die inklim in die trekker, trek al wat spier is stywer as die styfste kitaarsnaar! Die volgende oomblik sê my pa net "plant!" ek skep daar asem, sit die trekker in rat en sak die planter, los die clutch, so dat almal omtrent vlieg en gee vet! Hoe vinniger ek ry hoe erger kyk ek die merker se streep aan en hoe meer klou ek aan die vet en stuurwiel! Aanderkant uit, toe is die ergste agter die blat en ek is so op met myself, laat ek skoon vergeet dat en nog moet terug ry om my draai te voltooi! So plant ek toe 'n paar lande se sojas!

Wel, as 'n man (moet ek sê vroumens?) wil plant moet hy sy eie saad kan gaan haal. Die trekker los en die bakkie vat en saad by die huis gaan haal! Dit kan nogal 'n grap afgee! As ek in die bakkie klim, is my eerste gedagte 'hoekom het die ou wat laaste gery het nie die stuurwiel opgetel nie?'. So skakel ek die cruiser aan. Dan kom dit by vorentoe ry! Die trekker waarmee ek ry is 'n 110 Case, en sy vorentoe sit (as jy nou die stuurwiel vierkantig sou maak) in die linkerkantste hoek, ek het al lank gesoek na vorentoe ry, en dan is my voet op die clutch, en as ek los gebeur daar niks! Woeps vlieg daar weer bietjie insig my brein in en sit ek die cruiser in rat! Of dit nie genoeg is nie, soek ek nog na die vet, hier langs my, aan my regterkant! Vinnig, vinnig dan snap ek maar die vet is onder sussie! Nou weer volgende rat, die trekker sin sit op die vet-hefboom en jy gaan na die volgende rat met 'n knoppie! Nou soek ek weer na die ratte hier regs, reg langs my! Hahaha, so leer jy maar weer blits vinnig jy sit in 'n bakkie en nie in die trekker nie!

My pa besig om planter skoon te maak. Na my vingers al soos blase gelyk het.

Na die vakansie het ek omtrent nog een nodig! Ek het eenkeer plat op my maag op die kombuisvloer gaan lê, want dit was vrek warm, toe raak ek daar aan die slaap en ek slaap nie rerig in die dag nie. Wel as jy moeg is, is jy moeg en dan slaap jy maar!

Dit was nou in kort my Desember-vakansie. Dit voel of ek jare laas op my blog geskryf het! Skies daarvoor, ons internet was vir LANK mors dood!

Die is vir my so allerdaags soos die son wat opkom! Ons gebruik twee ysters aan weerskante van die planter om die merkers te lig, sodat die merkers nie aan die hek kan hak nie. Aan die anderkant van die draad, sak ons die planter, sodat die merkers kan oopgaan en dan van die ysters uit.

Ek het 'n duifie ook nog tussen als groot gemaak, gelukig was hy al redelik groot toe ek hom gekry het en het ek net vir 'n week hom met die hand moes kos gee, toe begin hy self eet!

See vakansie!!

2010-10-18T03:00:00.000+02:00

Dis die lekkerste vakansie wat jy vir my kan gee! En dit is by die see!! Dis die grootste bederf onder die son! Ons was af Kaap toe vir sowat twee weke! Ons het getoer van die een plek na die ander! Ek het later gevoel soos 'n seat!! Dat ek nog nie soos een lyk nie is 'n wonder! My rug was later seer gery! En ons het nie eenkeer in die see geswem nie! Net op die strand geloop en bietjie in 'n rivier geswem...

Dag 1: Ons het van die huis af gery na my ma se een vriendin naby Viljoenskroon. Daar het ons een aand oorgeslaap.
Dag 2: Ons het van Viljoenskroon af gery na Middelburg. En by my oupa se skoolmaat oorgeslaap.

Dag 3: Ons ry die oggend van Middelburg af en stop by "Jagtpoort " en koop vrugte-rolle en kyk bietjie rond. Daarna stop ons langs die pad, by 'n blokhuis naby Laingsburg. En toe ons in Laingsburg is, is ons na die vloed museum... Die Diefwering het elk 'n ander tema! Toe verlaat ons die Karoo en gaan oor die Hex-rivier-pas die Kaap binne! Dit was van WOW! Wat 'n gesig!! Toe slaap ons op 'n boer se plaas in die slanghoek destrik. Teen aan die Breërivier!

Dag 4: Na 'n lekker nagrus, is ons op en ry ons na Worcester, waar ons na die instituut vir blindes is, en die tannie vir ons 'n "toertjie" gereël het. Ons het ook gaan kyk hoe die blindes skoolgaan. Volgende was die De la Bat skool, die skool vir dowes. Daar het ons met die hoof gesit en gesels. Toe is ons na Kleinplasie, daar was nie veel nie, ons het maar net na alles gekyk, wens party goed kon werk! Toe het ons vinnig 'n draai by Rosenville gemaak en naby die huisie langs die pad in die rivier geloop. Dag 5: Ons kinders het 'n mal bevlieging gekry om in die rivier te swem! En ons het dit gedoen, bibber en bewend, maar ons het dit gedoen (saam met die paddavissies geswem!). Toe is ons na die Slanghoek-kelder, ons het daar net deurgeloop saam met 'n "lyer", wat ons net kon verduidelik hoe dit werk (want oestyd is mos nie die tyd van die jaar nie). Toe is ons Paarl toe, waar ons by my ouma se neef gaan middag ete eet het. En ek familie ontmoet het! My agter-agter-klein-neefs! Toe is ons na die Kaapse rebelle gedenktuin toe. En daarna na die taal monument toe. Daar sien ek toe Tafelberg vir die eerste keer in my lewe, al was dit deur die wolke (deur die blare sou beter geklink het!). Toe ry ons via Bainskloof terug Slanghoek toe! Ek het gedog die draaie gaan my nog afgooi! Maar dit was mooi! So kom ons ook lekker laat by die huis aan.

Dag 6: Ons het begin oppak. En toe ry ons deur die Hugenote tonnel (hy is nou vir jou LANK!). Toe stop ons in Stellenbosch by my oupa, se pa, se jongste sussie. Sy nooi ons toe om saam met haar in die botaniese tuin te gaan eet. Na heelwat gesels (oor geskiedenis) ry ons verder en stop by die aarbei-plaas! Dit was net 'n moet! Ek is so bly ons het die tyd gegaan, want ons kon aarbeie eet! Toe is ons Kaapstad toe, om 'n plaas te verlaat en na die stad te gaan is hel!! Daar slaap ons toe by my ma se niggie.

Dag 7: My ma-hul kuier 'n hond uit 'n bos, maar eindelik is ons in die pad na..... Kaap-punt! Ons Loop toe na die punt, en so graag soos ek wou, is ons toe nie op na die vuurtoring nie, (want tyd en party mense se asems raak bietjie min). Die plek se plantegroei verskil BAIE van dit wat ek gewoond is! Toe is ons naom te gaan pikkewyne kyk! Toe is ons na Simonstad se museum, en toe ry ons Capman's peak om na Groot Constantia, maar ons was letterlik net 'n minuut te laat, want toes dit vyf uur, maar ons het buite rond geloop en fotos geneem. Toe ry ons na my oupa se jongste boetie en eet aandete daar. Love hulle BAIE! Die aand is ons eers so 12 uur by die huis aangekom, my ma se niggie was die aand weg op 'n kamp.

Dag 8: Eerste by Tafelberg wen!! Ons is Tafelberg toe en op met die kabelkarretjie, die lug was skoon, en dit was warm! Hoewel dit nie eenkeer bo 26 grade was nie! Dit was so dat ek nie eers my baaitjie bo op die berg aangetrek het nie. Toe is ons kasteel toe en akwarium toe, ons was net na vier klaar met dit wat ons wou doen. Ek het niks lekker gevoel nie, en toe ons by die huis kom het ek gaan slaap, later het my ma se niggie huis toe gekom en ek het laat opgestaan net om iets in my maag te kry. Moenie dink hy wil rus nie!! Dag 9: Ons vat die pad, na my ouma se sussie (of my ma se niggie by wie ons geslaap het, se ma), naby Hermanus. Ek het steeds soos 'n zombie gevoel, maar daar verby try kyk. Toe ons daar kom het ons net gesels en in die huis gebly, want dit het gereën. Dit het gevoel of ons die wolke saam met ons trek!!

Dag 10: Ons is uiteindelik af strand toe, om ons voete nat te maak. Net ons kinders is af, en toe maak die een golf ons bietjie nat van onder af en die wolke maak ons nat van bo af. "n Goeie kombinasie om my hare te laat KRUL!!! Toe is ons na 'n vlei toe en toe weer terug huis toe.

Dag 11: Na ontbyt, klouter almal in die kar. Ons het walvisse gekyk en by 'n kers fabriek gestop. Toe is ons Waenhuiskrans toe. Daar loop ek en boetie hand aan hand in die see om in die grot in te gaan, na de vorige dag se skrik, hou André die water met 'n valk oog dop. Toe die golf inkom spring hy op die naaste klip en met die het ek nie genoeg grip nie en val ek my velle af!! Die volgende oomblik toe bars ek uit van die lag! En dit pyn en dit brand maak ek wil my skeur! Toe ons weer uit die krans is het ons gaan broodjies eet en ons kinders het baljaar op die strand!! Weer in die kar, die keer op pad na L'agulhas toe. Daar split ek toe oor die twee oseane, (en skeur die velle nog beter oop). Toe is ons op met die vuurtoring en weer af en huis toe.

Dag 12: Alweer op pad !! Die keer na my oupa se oudste boetie se vrou toe, waar ons later koffie gedrink het, en net voor dit het ons 'n seafood-platter geëet. Toe ry ons aan na die tannie se dogter toe. Waar ons toe die nag oorslaap. En ek weer familie ontmoet!

Dag 13: As ek maar net kon vlieg van punt A na punt B!! Ons het by Robberg gestop en bietjie geklim en klouter! Is dit nie mooi nie!! Toe moet ons baai sê vir die see! Dit noem jy nou my swak punt daai! Toe is ons weer op pad na Middelburg, waar ons by my oupa se skoolmaat se dogter oorgeslaap het! Daai kan jy nou 'n plaas noem! Want dit lyk soos een!

Dag 14: Na 'n lekker ontbyt, klim ons weer in die pad. Ons het by die militêre museum gestop vir die manne. EK het toe al soos geskiedenis gevoel, vol gestop van goed waarvan ek nie hou nie. Ons beplanning was om reguit huis toe te gaan. Maar ongelukkig was daar te veel wind en sulke goed en toe slaap ons by Willem Pretoruis oor.

Dag 15: YAY!!! Nou reguit huis toe! Ons het gou in Pretoria by my maatjie gestop. En toe ons hier kom is my tannie en my neef hier (want die res van die gesin is saam met 'n rugbyspan oorsee!! Van als was die see die grootse moeite werd!!! Love die see!!!

Ek is ge-"tag"

2010-08-28T11:21:00.000+02:00

Eish... Dink ek moet dit nou maar stap vir stap doen...

1. Bedank die persoon van wie jy die toekenning ontvang het.

Huisvrou, oftewel my ma... Ek weet nie lekker of ek moet dankie sê en of ek moet kwaad voel nie. Dankie vir ALS!

2. Plaas ‘n kopie van die toekenning op jou blog

3. Noem 3 dinge van jouself waarvan jy hou

Ek moet nou mooi dink, voor ek dalk iets snaaks sê!

My liefde vir beeste en die plaas. Vir gimnastiek en my vriende en famielie.

Die smile op my gesig. Dit maak dat mense wonder wat in my gedagtes aangaan. Dit wys blydskap, en is partymaal 'n masker, waaragter enige iets kan skuil!

Laastent Jesus in my lewe! Dis wonderlik om Hom in jou lewe te hê!

4. Plaas ‘n foto waaroor jy mal is

Daar is gans te veel!

En die laaste een weier ek om te doen...

Op die plaas...

2010-08-10T18:40:00.000+02:00

Ek het 'n paar fotos die afgelope tyd geneem wat ek met julle wil deel... Ek is bly ek kan op die plaas bly! Dis 'n wonderlike plek en as jy wil vlug vir jou gedagtes, of die gebou, klim jy op jou fiets (ek wens ek kon sê perd, maar ons het ongelukkig nie sulke mooi diere nie...) en ry die vlaktes vol!

Mielies
Paaie en draaie...
Beeste
BloekombomeEk
Henry.
Johan.In die huisie.
Die ou huisie... Nou pakhuisie.
Niks lyk instand!
Sonsak...
Sonsondergang
Wit en swart, aand foto!
Die seuns staan vir 'n foto.
Ek is bored.
Henry hulle klim die bloekombome.
Ek spuit my gesig nat, na 'n warm rit.
Saam met die seuns by die dam.

Ninjas en Fireflies

2010-08-10T18:22:00.001+02:00

Ons gimnastiek club het ‘n vertoning gehou by die Kierieklapper fees gehou, die oefen was harde werk en ek moes uitsit! Dit het nogal wildskrag gevat maar ek het dit reg gekry en gecoach! (Ek het alweer my rug seer gemaak) Dit was awesome! Die ritmiese meisies en die kleiner artistiese levelmeisies, het ’n dansie gedoen en dit was so mooi! Ek het nie rêrig daar gehelp nie, (oordat my gimnastiek maats almal by die spronge was) maar dit wat ek met die vertoning gesien het, was baie mooi, al het ek ’n end weg gestaan by die outjies wat ek gecoach het! Met die spronge (of ninjas) het ek gehelp, ek wens ek kon saam oefen, maar net die bietjie loop tussen die stalletjies het my rug nou ordentlik seer! Eks maar bly ek mag nie nou gimnastiek doen nie! Maar laat ek nou ’n min of meer prentjie gee van wat dieninjas aangevang het. Party kinders het vooroor-rolle, stradlerolle,skouer-rolle en duik-rolle. ’n Ander groep kinders het oor die matte gespring en duik-rolle en summys gemaak, ander het oor ’n kar geduik-rolof gesummy! Dit was senutergend! Maar asemrowend ook!

Die fireflies.

Hul einde.

Ek groet...

Ninjas!!

Ek en my maat, en ons twee se ninja-boeties

Vuur

2010-08-10T18:22:00.000+02:00

Wat kry mense daaruit om ’n plek te brand? ’n Plek wat nie eers hul eieeiendom is nie! ’n Plek waar diere woon! Wat is die nut daarvan? Dis vir my so simpel! Wel, so twee dae terug, bel die buurvrou en sê ons moet gaan kyk, die plaas brand! Ek soek nog na my pa en oom, toe sien die seuns my kop ’n besig om mal te raak, hulle wil toe weet wat’s fout en ek sê daar’s ’n vuur, hulle vlieg toe hier weg en kry my oom. Saam gaan blus hulle toe die vuur en los my hier! En vandag toe hulle die beeste gaan water gee, toe bly ek maar by die huis en help my ouma, want my oom-hulle is hier en my ouma gaan die volgende dag dokter toe en sommer om haar net te bederf bly ek maar. Al het ek gebrand om saam te ry (met my oom se nuwe bakkie en om te sien waar dit gebrand het en na Cindy te gaan). Ek het my pa gevra om ’n paar foto’s te neem dat ek net kan sien hoe dit lyk.... Ek sidder by die gedagte datCindy of ander beeste kon doodbrand, never mind die klein goetertjies wat in any way doodgebrand het! En dan het ons nog ’n bul gekry! Hy is darem nie so mak dat hy jou sal stamp soos die ander een nie, die een hetdarem maniere, daai ander een pes ek met ’n passie! Hy sal jou sommer onderste bo stamp dat jy sy oor kan vryf!

Waar die vuur was!

Daar trek nog 'n rokie...

My oom en my tannie en die bul!

New homies!

2010-08-10T17:59:00.000+02:00

Ons was nou vir ’n ruk lank met ’n bietjie beeste hier in die kamp by die huis... Wel, hier is nou twee nuwe koeie. ’n Ou een met ’n kalfie en ’n kruppel een! Die ou een is rêrig oud! En die kruppel een is kruppel! Ons gee die kalfie byvoeding, want sy ma staan min op en sy het min melk! Ek kry die kleintjie jammer! En die kruppel koei het iets in haar heup seer gemaak, dit lyk skoon of haar been uit draai! Sy loop nie vêr nie en as sy loop buig sy nie haar been nie! Ek dink sy het seer! En Pienkie is weer hier, want sy het gesukkel om aan te pas by die ander... Cindy het vinnig aangepas en sy het nie maar geword nie. Dan is hier ’n ander versie wat ook nogal maar was.

Die kruppel koei.Die koei en haar kalfie.

Ek drink bietjie bottel! LOL!

Adrenalien Saterdag...

2010-07-10T22:44:00.000+02:00

Eerstens dis Saterdag en die skool maak volgende week oop, so ek slaap laat. Toe ek wakker word lê ek in my bed en lees, my ma kom toe en vertel my van die mense wat kom voëls jag het, die een ou het in die boom geklim om sy voël te kry, toe pik 'n slang hom. Toe my pa kom toe sê hy die ou het so dronk en simpel gelyk, dit het rerig gelyk of hy gepik is deur 'n giftige slang. Wel, hy skeur toe gek, en nadat almal geskok was, kom die waarheid toe uit, 'n luislang het hom toe gebyt (gepik klink nie reg vir 'n luislang nie), die baba soos hulle hom noem en dan die ma. Die ma het hom gelukkig nie gebyt nie, maar die baba het, die baba was meer as 2m lank en die ma was meer as 4m, eerder 5m en langer! Dis vrek groot! Maar nie so groot vir 'n luislang nie.

Toe my pa kom ontbyt eet (so half elf), toe kom maak hy 'n draai in my kamer en vertel my dat hulle gister baie gesukkel het om Cindy en 19 ander verse te dip. Ek vlieg toe uit my bed en in my klere, ewe skielik baie haastig, ek gaan Cindy dip en die laaste bietjie van haar trop! YES! Toe hol ek na my oom toe en vra of ek kan gaan. Ek ry toe saam met hom en toe ons daar kom, sukkel die werkers om die 20 in die kraal te kry, en een vers wil-wil kalf. Ek gaan staan toe naby aan die kraal en roep "Cindy!!" toe kom die hele troppie ingestap. My oom besluit toe om die vers wat wil kalf eerste te dip, en hulle jaag haar toe in, ek helf toe my oom en 'n werker om haar in te jaag en die ander jaag toe vir Cindy-hulle in die ander kraal in. Ons van toe die vers verby na die drukgang en toe het ons haar vinnig gedip en haar weer uitgejaag. Toe dip ons die 20, maar dis twee drukgange vol. Met die eerste een spook hulle weer om Cindy in te kry en weer roep ek haar, en weer luister sy! Ek het gedink dis 'n enorme grap, want die mans sukkel met haar en ek maak net my mond oop!

Toe ons klaar gedip het en klaar opgeruim het en wil ry toe sien ons dat die versie besig is om te kalf, in die highway hek toe! Ons moes toe 'n ompad ry hek toe, en toe ons deur die hek is, moes ek agter die stuur inklim en die medisyne huis toe vat, want my pa en oom gaan sandplaas toe. Die laaste wat ek toe sien is die voorpootjies en die koppie! Dis te cute!!!

By die huis gekom en als op hul plekke is. Staan ek en my tannie en gesels, die volgende oomblik gaan die honde tekere! Dit klink of 'n orkaan die plek getref het! Ek, nog in my gumboots, kry vlerke en hoe ek dit gedoen het weet ek nie, maar ek spring toe oor die hekkie (1.5m hoog) en voor ek grond gevat het hol ek al! Ek dink as iemand my moes sien het hulle gelê soos wat hulle lag! Toe ek sien wat gebeur het wil ek sommer skree! Want die een ou het 'n rooster by my ma kom haal, om mee te braai. Toe het hy die hekkie oopgelos en my ouma se hond het in ons werf in gekom! Toe baklei die twee tewe. My ouma se hond het bietjie baie seer gekry, maar sy sal dit wel oorleef, daai hond is van staal!

Dit was my wonderlike Saterdag oggend! Ek het nooit gedink soveel adrenalien kan deur my are vloei nie! Nie in 'n kwesie van vier uur nie!

So lank, so stil!

2010-07-10T08:05:00.000+02:00

Ek dink ek het nou vir lank genoeg die stilswye gehad! Ek het bietjie die laaste drie weke saam met pelle deurgebring! En elkeen apart geniet!! Die eerste twee dae van die eerste week was ek by die buurman se dogters, en dit was 'n lekker mal twee dae! Die volgende week was ek vir drie dae in Poties, en daar het ek my tydjie rustig voor 'n boek deurgebring (al hou ek nie veel van lees nie). Toe ek terug kom by die huis, is my ma hul oppad Witrivier toe, met die lorrie om voëltjiesaad vir mense daar te vat! En ry hul twaalf uur (elf uur beplan), die aand slaap ons dan by ouma. My ma bel my so vyf uur se kant en sê ek moet gou op "'n sagte landingsplek" gaan comment en vir die tannie vra sy moet my ma bel in verband met slaapplek in of om Lydenburg, want hul gaan Witrivier nie haal voor middernag nie! Die volgende oggend toe ek wakker word, toe praat my oom en ouma oor 'n wiel wat gebars het. Wel, die een band het gebars met 'n vol vrag! En toe stress ek tot my ma hul die Donderdag aand by die huis is!

Toe reël ek gou dat my maatjie die naweek kan kom, en dat my ma haar by die armydepo (seker so 15km van ons af) sal oplaai. Die Vrydag toe ons haar gaan oplaai het en als reg het, gaan loop ons toe by die store rond, toe roep een van die werkers my (hy weet ek is bang vir spinnekoppe) en sy gesing voorspel 'n skok wat op my wag, met al die wildskrag in my kyk ek toe, en toe gewaar ek hom! 'n Enorme pofadder, hys seker 1.5m lank (dis baie lank vir 'n pofadder!),

daarna is ons dorp toe, daarna het ons saam met my pa bale met die trok na die sandplaas gevat, met die eerste vrag het ons by Cindy gestop en haar bietjie aandag gegee terwyl my pa hul die water pomp en met die twede vrag het ons direk gery!

Die Saterdag het ons by al die beeste 'n draai gemaak en by die rotse gaan jol, die middag het ons tussen die lande rond geloop. Die Sondag was baie die selfde!

Tussen deur wag ek vir 'n antwoord van my pa af of ek mag Pretoria toe gaan vir die week of nie!

Dis toe 'n ja, en ek het 'n lift Pretoria toe gekry vir Maandag! Toe ons in Pretoria kom, is dit nog vroeg! Toe het ons bietjie in petshops rond geloop en later is ons na haar huis toe. Toe is ons na 'n 'mall' toe en toe bel my vriendin om te sê hulle gaan my nou kom oplaai.

So tussen als deur hoor ek toe dan maatjie haar arm verkeerde kant toe gebuig het en dat ons eers gou dokter toe gaan gaan. Gelukkig is niks gebreuk nie! Ek het die hele week BAIE geniet! Ek het gimnastiek gecoach en bietjie gehelp waar ek kon!

Toe ons moes baai sê toe tjank ek amper! Wonder wanneer ek haar weer gaan sien! Toe is ons Kolonade toe en toe huis toe...

En toe ons by die huis is en als afgelaai is, en my pa oppad na Henry is (hy was vir 'n week en 'n half op 'n spoorsny kursus), gaan my ma in die sitkamer staan en sê "het jy al die een gesien?" Ek dog sy praat van 'n enorme spinnekop, want sy is self skrikerig vir 'n spinnekom, maar darm nie so bang soos ek nie! Ek maak toe my waterbottel toe en stap nader. Toe ek die lyf sien, sit ek toe sommer nog vier pote aan!

Maar ek het gelukkig gou agter gekom dis nie 'n spinnekop nie, maar 'n verkleurmannetjie! Henry hulle het hom opgetel met die kursus, en dit lyk of hy gebrand het. Nou hou ons hom en dokter hom tot hy gesond is.

Dit was baie lekker! Thanks for friends like you!!

YS-koud!!!

2010-06-19T00:26:00.001+02:00

Met YS-koud bedoel ek koud! So dat daar skoon ys vorm hier in die noorde op enige iets! Van 'n groen blaar tot 'n droë paal! Die afgelope oggende is dit -2; -3; en dan gaan ons op na so 15 grade celsuis... Vir my is dit ysig en onplesierig! Die winter het skaars begin en ek wens klaar weer dis somer, met die hitte en al dink ek somer is steeds beter as winter! Dalk, net dalk is dit oordat ek 'n Desember-baba is!

Die afskeid was erg!

2010-06-15T06:20:00.000+02:00

Ek moes vandag afskeid neem van Socket... My pa hul het hoem verkoop aan die voerkrale, en hy is vandag gelaai saam met 'n paar ander koeie en kalwers. Ek het vir oulaas 'n paar foto's van hom op die lorrie geneem. My oom het die lorrie in die werf parkeer dat ek, my tannie en die seuns kon afskeid neem. Die trane het amper geloop, maar ek het dit ingehou oordat daar 'n spul goed is wat gedoen moet word, want Johan het gister 8 geword en het partytjie gehad vanmiddag. Een van die dae is Socket polony! :'-( Shame, as hy maar net weet wat op hom wag...

En al sy maatjies...

Tweeling

2010-06-14T02:35:00.000+02:00

Soos elke Sondag middag, ry ons vandag beeste toe. Alles lyk goed maar toe ons verby die een koei ry sê my pa iets is fout. Ons stop ek en kyk. So sien ons toe dat die koei geaborteer het, eers sien ons net die een klein lyfie en toe ons uitklim die tweede... Dis die eerste keer dat ek 'n tweeling sien. Dis bitter min dat beeste tweelinge kry. Die koei was bietjie klein gebou en dan moet sy nog dragtig wees met 'n tweeling! As die koei net grooter was was daar dalk 'n beter kans op oorlewing. Ek wens die tweetjies het geleef, want ek sou hul groot gemaak het soos 'n baba, sou tot in my kamer geslaap het, maar huls geheel en al te vroeg gebore, die twee lyfies saam maak skaars een kalfie van 'n week oud!

Blou Maandag!

2010-05-25T04:00:00.000+02:00

Ek was vandag in Pretoria, die hele dag, en moes gimnastiek mis! Maar kom ons laat dit daar! Ons (ek en Henry) is saam met een van die tannies in ons kerk Pretoria toe want haar dogter moet eksamen skryf, sy swot vir 'n haarkapster. Wel ons moes toe modelle wees, sy het my hare gesny en Henry sin ook, maar sy het ook 'n upper-do (soos vir 'n matriek afskeid) gedoen met my hare... Dit het baie weird gevoel, maar ek het nie te sleg gelyk nie! LOL! Ek is gewoond aan twee rekkies in my hare en my hare in 'n ponie, wel sy't vir my twintig ouma-knippies in gesit en twee blomme! Dit het nogal baie los gevoel! Ek het toevallig dieselfde blou aangehad as wat die twee blomme was!Agter...
Links...
Voor...
Henry...

Limpopo

2010-05-22T07:29:00.000+02:00

Soos elke kompetisie geniet ek tot Limpopo! Wel, met my rug wat weer Maandag seer gekry het toe ‘n kind teen my rug vas gehardloop het (ek was die week na die rock-n-roll kompetisie by die chiropraktisyn, en na my oefening Maandag was my rug nie seer nie!), was dit nogal moeilik om ‘n smile op my gesig te hou! Ek het die seuns baie geterg, want hul moes net smile, en die een coach het ook gesê ek moet smile, so ek is op die smiles gewees.Eerste het ons bar (brug) gedoen, met ‘n smile, ek het my kniehaak gedoen en sommer trots gevoel! En nog 8.20 gekry! Toe is ons na beam (balk) toe, my balans is nie wat wonders op hom nie, en my streksprong op hom, is ek maar lekker skrikkerig voor! Wel tog het ek 8.80 gekry, wat my sommer tussen die oë geslaan het van verbasing! Toe is dit vloer, ek het ‘n knipmes en candlestick in my reeks, terwyl ons geoefen het by die huis het ek dit elke keer gelos. Toe met my opwarmreeks voel ek weer my rug, en hy is SEER! Terwyl ek wag vir my beurt sit ek met ‘n pyntrek op my gesig, dalk net ‘n bekommerde een, ek kan rerig nie onthou nie, maar Henry trek toe vir my gesigte en doen ons “focus-move” toe smile en wys na my rug (na elke kompetisie kry ons ekstra signs), toe trek die een coach ook nog sulke smiles dat ek nie kon keer om te smile dat jy net tande sien nie. Toe is dit my beurt! Eish! Vasbyt! Ek het dit gedoen en glad nie my rug gevoel nie… Vir vloer kry ek toe 8.50! Maar toe fokus ek nie meer 100% nie, my gedagtes is toe by my rug en my vloer reeks inplaas van my spronge wat voor lê! Toe doen ek my vault (hy tel uit 10 soos al die ander) en met die opwarm sê my coach ek moet weer gaan, want dit lyk nie goed nie. Toe gaan ek weer en met die terug hardloop moes ek my skill vault opwarm! Julle, toe ek daai springplank trap, toe slaan hy vas teen die soliede stuk (en die springs is net so slap, ekt met effort gespring en ek het eintlik niks nodig gehad nie) toe slaan ek my rug laat ek in twee vou toe ek land, toe loop die trane! Ek staan toe agter my een vriendin en snak toe na asem (blykbaar het dit soos ‘n donkie se balk geklink!), toe huil ek en om als te vererger trek my rug toe in ‘n spasma (of plynweg net styf)! Toe gaan sit ek en sluk eers my trane. Toe roep die een noodhulp oom my, en sê hy het my net nou gesien huil, wat is fout, ek sê hom toe van die boom storie en sommer als! Toe sê hy ek moet een van my vriendinne vat, laat sy deep heat op spuit en in vryf, drie keer. Ek weet nie wie my almal sien huil het nie, my ma het wel en ek weet van party coaches… Maar toe is dit eers my vault, ek het hom gedoen met baie inspanning! En het nie eens kans gegee laat ek my punt kan sien nie, ek het gegroet en gehol vir die deep heat en badkamers met my vriendin by my, daar gekom toes my ma skielik daar. Wel hulle help my toe, maar sodra my ma my rug vryf, is dit so seer ek wil skree! Terug in die saal is ons al besig met ons skill vault! En hoor ek dat ek 7.65 gekry het vir my vault! Ek was baie verbaas, ek het gedink ek gaan niks kry nie! Toe trek ek my baatjie aan en toes dit weer my beurt. Ek stap toe met my baadjie op en my coach sê toe ek moet hom uittek. En ek moet eerder net ‘n streksprong doen, vir my rug en my lewe vorentoe. Want straddle gaan my net seer maak, en mag dalk vir altyd daar wees. Julle dit was ‘n gewik en weeg! Tot terwyl ek gehardloop het, het ek gewik en geweeg! En toe ek die springplank trap toe weet ek eers, ek gaan net ‘n streksprong doen… So doen ek toe en kry toe 3.30! Wel met baie deursettingsvermoee mis ek North-Zone met 0.05! Ek sê julle 0.05, dis BAIE min! Maar ek glo daar is ‘n rede met als (al is dit hard om te aanvaar!), met die ook! God het ‘n rede daarmee, wat die rede is sal ek nie weet nie, maar die tyd sal leer! BAIE geluk aan al MGC se level 2 artistiese gimnaste!!! Ek is trots op julle elkeen, geniet North-Zone namens my!

My derde keer...

2010-05-14T05:31:00.000+02:00

My derde keer wat ek coach en ek dink nie ek gaan hierop volg nie... Dit is baie lekker maar saam met die skool, gimnastiek en alles deur spook ek om op my blog te kom skryf (en party maal is ek net nie lus om nog een woord te skryf nie).

Wel, laat ek begin, hoe gouer hoe beter! Ek het vandag met die kleintjies voor-oor-rolle en agter-oor-rolle gedoen, julle die kleintjies is te oulik vir woorde! Maar nogmaals geniet ek elke oomblik! En dan moes ons weer buite op die gras geoefen het, want die skool geruik die saal vir ander goed op die oomblik... Dis lekker, maar dit raak boring om heeltyd/die hele tyd op die vloer te werk en nie een apparaat kan gebruik nie!

Rock-n-Roll

2010-05-09T06:34:00.000+02:00

Julle hierdie kon ek nie ‘n kompetiesie noem nie! Dit was gans te lekker! Met die rock-n-roll tema en die lot! Tuks het ons laat tuis voel, en die kompitiesie was net lekker! Ek was twede! Wel behalwe vir my seer rug het ek dit met als in my geniet! Aan die begin van Mei het ek uit die boom geval, of altans, ek het aan die takke geswaai (soos op H-bar), en toe ek land, land ek met reguit bene, en toe om my balans te hou ruk ek my rug agtertoe, en maak my rug seer, my lae rug…

Crop spraying

2010-04-28T16:56:00.000+02:00

Ons sonneblomme en suikerboontjies het wurms, en die turf is sopnat en die sonneblomme is te groot om met 'n trekker te spuit, toe laat kom ons die vliegtuig!! Een van my beroepskeuses is 'n vlieënier! Ek dink dis amazing! Dis soos ek wat wil gaan bungiejump, freefall, skydiving, scuba duik ens...

Wel ek is saam met my pa vliegveld toe en het daar gewag dat die oom kom en sy tenk volmaak, toe vlieg hy weer en toe hy toe weer terugkom toe gooi hy gif en petrol, toe het ek gaan kyk hoe die vliegtuig lyk binne en 'n klomp foto’s om die vliegtuig geneem. Ek wou so graag saam gevlieg het maar toe sê my pa en oom nee. Toe ons by die huis kom toe hardloop ek al agter die vliegtuig aan, hy spuit nogal vinnig klaar! En ek het op stelte geloop, want die turf pak op onder mens se voete, ek’t 'n paar keer gesplit, maar dit lyk so lekker om in die lug rond te sweef! Ek is in my menswees nie gemaak vir plat op die aarde met my twee voete nie!! Ek het in 2001 new Zeeland toe gevlieg vir my oom se troue met sy eerste vrou. Toe was dit nog nie vir my so 'n droom om te gaan vlieg nie!! Maar nou!?!?!? Julle ek dink ek moet nou ophou praat! Anders raak ek netnou mal!!

Besig om in te kom.
He had arrived...
Die omgewing...
Die gif is besig om in getap te word.
Die vlieënier besig om petrol te gooi... Dink net ek in so 'n "suit"... Julle ek gaan vlieg!!!Die vlieënier se werker maak die vliegtuig se venster skoon.
Op jou merke, gereed...
Baai-baai!
Vlieg hoog! Hoog in die wolke.
Dis unfair, ek beter matriek skryf laat ek gaan vlieg.
Besig om die sonneblomme te spuit. As jy mooi kyk sal jy die wit sien.
Maak 'n draai
Die wit agter die vliegtuig is die gif.
Laaste draai naby die huis
Besig om die suikerbone te spuit
Op en op... Kyk die gif
Kyk net daar, ek wens ek kon saam vlieg!!!

Tweede keer!!

2010-04-24T03:20:00.000+02:00

Vandag was weer gimnastiek! En ek het weer gecoach! Soos altyd is gimnastiek baie lekker! En die kleintjies baie oulik!

Vandag het die saal darem baie beter gelyk! En ons kon weer in die saal werk! My coach het gesê ek moet weer 'n bietjie spronge en brug/rekstok met die kleintjies doen, want sy het dit lank terug met hulle gedoen.

Ons het bietjie op brug/rekstok gewerk, julle daai klein lyfies op die groot apparaat is te cute vir woorde! En ons het strek-sprongetjies gedoen en ster-sprongetjies. Toe het ons 'n paar vooroor-rolletjies gedoen en toe S-T-O-P stop gespeel vir die laaste 2 minute... Die tyd het nogal gevlieg! Toe ek weer kyk toe is ons al 'n uur besig!

Ek het dit so geniet. Ek dink gimnastiek is die wonderlikste sport op aarde! EN as jy sulke coaches soos ek het is dit nog beter en lekkerder!!!

Vriende!

2010-04-19T04:50:00.000+02:00

Henry se vriend is al Donderdag huis toe, en my vriendin gaan more. Ek gaan tjank! Sy’t my lewe 'n fees gemaak en om met haar te kuier is 'n fees! BFF: Best Friends Forever, dis presies wat ons is!

Wel haar ma-hulle het gister gekom en slaap oor. Ons het vandag op die sandplaas gaan braai, en lekker nat gereën en sand geëet!!! Maar as jy daar eet en nie sand in jou kos kry nie, het jy nie rêrig geëet nie!!!

Hier is 'n paar foto’s:

My skilder-mooi-foto...

Gereed vir aksie...
Ek, die bobejaan...
Hul kleintjie en Johan...
Agt kinders...
... en vier grootmense. 'n Wandeling in die bos...

Die klein reënboog...

Reënboog

2010-04-18T04:55:00.000+02:00

Ons het vandag 'n vreeslike mooi reënboog gesien! Hy was 'n vol reënboog... Dis 'n WOW reënboog gewees, rêrig mooi en groot en sommer alles!!

Kyk net hier!! Hoe wonderlik is God nie!

En sommer die sonsondergang ook...

My eerste coach uur!

2010-04-16T02:15:00.000+02:00

Julle ek het vandag die eerste keer rêrig gecoach... My vriendin coach al 'n rukkie en het my gehelp met idees. En sy’t self ook help coach!

Toe ons by die saal kom toes die hele plek vol stof en stukke van die plafon en dis net 'n gemors! die apparate was afgeslaan en niks was reg nie! Toe het ons buite gaan oefen...

My coach het die kinders laat opwarm terwyl ek en my vriendin gaan kyk het hoe die saal lyk. Toe ons terug gekom het, het ons die kleintjies laat lopies doen en my coach het bietjie met hulle vooroor-rolletjies laat doen. Toe het ons hulle in 'n sirkel laat hardloop en vir hulle opdragte gegee om te doen (bv. raak jou tone, doen 'n paar sit-ups ens), wanneer ons, ons hande klap.

Na dit het ons gaan aantree en toe speel ek met hulle daai wat jy vir hulle sê raak jou maag en jy raak ook jou maag ens, en dan op 'n punt sê jy raak jou tone of what ever, maar jy raak op 'n geheel ander plek as jou tone, bv. jou neus... Ons het lekker gelag vir hulle!

Dit was 'n lekker dag en ek kan nie wag vir volgende week nie!!!

Varke!!!!

2010-04-14T08:19:00.000+02:00

Toe ons gisteraand by die huis kom het ons beeste toe gegaan om seker te maak dat hulle darem nog op hul plek is, toe kry ons 3 bosvarke in die mielies! Besig om die wins op te vreet!! Toe skiet my oom hul met die pistool, hy’t al my senuwees op 'n knop gehad! Dis kwaai varke daai! EN hy wil hul op die grond met sy pistool skiet!!!

Wel vanaand was ons weer uit... En het weer 'n spul gekry en 2 geskiet. Ek kan nie wag tot ek my eerste vark skiet nie!!! Julle mag dalk dink eks wreed, maar dis ons wins waarmee ons moet leef wat hulle opvreet!! En soos wat graanpryse sak en petrol en kunsmis en gif ens klim.... Mag die vervlakste varke nie die wins opvreet nie!!

My nefies!!!!

2010-04-12T06:19:00.000+02:00

Gister het ek 'n ordentlike tuck-jump gedoen toe my ma my by my coaches kom oplaai het. toe ons kar toe stap toe vra my ma of ek haar SMS gekry het, ek sê toe nee, toe ek die kar oopmaak om my en my vriendin se rugsakke in te pak sien ek dat my ma 'n klompie goed gekoop het. Toe vra ek haar vir wat dit is toe sê sy lees jou SMS’e ek haal toe my selfoon uit my rugsak en lees dat ons more vir my oom hulle gaan kuier by die rivier. Dis toe dat ek spring en YES uitskree! In die dorp... Maar my blydskap was oorweldigend! My coaches het seker gedink eks mal! maar dit maak nie saak nie! Maar ek wil ook nie by hulle weggegaan het nie. maar alles met 'n begin het 'n einde, of dit in jou leeftyd is of nie, daar is 'n begin en 'n einde!

Wel vandag was ons na hulle toe! Dit was SO lekker!!! My oom is besig om 'm dek te bou tot teen die rivier. Dit is so mooi! maar soos ons gimnaste is als word uitge”try”. Ons het amper die hele dag op die balke geloop en die kleintjies het daar gespeel! Die dek het nog nie 'n vloer nie, net die dak en die raamwerk...

Ons het mekaar ge”dare” dat ons op die enkel balke moet loop, na ete het ek eers daai goet begin trust, gimnas of nie gimnas nie, ek wil net lewe as ek weer daar weggaan! En dis redelik ver grond toe! wel toe stap my vriendin eers na die end toe en toe ek, toe ek die by die volgende paal kom toe gryp ek hom vas en sê net dankie tog! Toe moes ek weer terug stap! Toe raak dit 'n speletjie en toe gaan “pose” ons nog vir foto’s!!!!

Ons het soos gewoonlik lekker geëet! En ek het weer my neefs geniet!

Ek dink dit was die wonderlikste naweek in my lewe!

Ek en "sus"...

Die familie

HP, Ek, my vriendin en Andrè
Johan, WP en C-H
Die bobejaan ginerasie... Ekke
My vriendin.
Henry...
Neefie en Johan
Toue en stokke en seuns...

Ons kinders geniet die neefs 100%!Ons boelie hulle! Die arme goed!
En nou is ons onder!
Nou my beurt!
Eks baie lief vir my twee "boeties"!
'n Ruskans!

Ons malles doen wawiele die skuinste af...

Gelukig was die coaches nie daar nie! LOL!

Een, twee, drie spring!
Ons "pose" net...
Smile a while!
GF - Gymnasts Forever

Smile girls!!! Or gymnasts?!?!

Henry en sy pel.
My twee neefs...
Kom wille-man! LOL!

Ek dink gimnastiek is ansteeklik!

GL course

2010-04-11T05:28:00.000+02:00

Ek was die naweek op 'n GL (Gymnastics Leader) course! Die een coach van ons club het die facilitators course 'n maand of so terug gedoen. Hy en die ou ('n coach van 'n ander club) wat saam met hom die kursus gedoen het, moes 'n kursus aanbied. Ek is al 'n paar keer genooi om 'n kursus by te woon, maar elke keer is ons te min om dit die moeite werd te maak.

Die kursus is toe in ons eie saal en ons coach is ook daar, wel, dis net bekend! Ek stres my gewoonlik siek as ek nie weet wat ek moet verwag nie.

Die kursus was uit en uit die moeite werd! My een vriendin het ons Donderdag opgelaai en sy kuier tot volgende naweek, so sy was saam, gelukkig was die relings vir by die kursus nie so erg nie want een van haar coaches was daar om die kursus te ly. En ek dink hy is rêrig goed!

Ek het nog die Donderdag aand vir slaapplek vir my en my vriendin gereël en die Vrydag middag het die kursus begin en vandag het ons klaar gemaak! Nou het ek nog 'n paar vrae om deur te werk, en nege ure se fisies coach, ek kan nie wag nie!

Ek sal weer en weer kursusse bywoon! Veral as my vriendin se coach en my coach en die ander coach daar is! Hulle maak die gimnastiek sommer meer opwindend! Dit was rêrig BAIE lekker!

En die kuier by my coaches was net so lekker!!! Thanks julle!!!!

Oupa en ouma

2010-04-09T04:59:00.000+02:00

Ons het die afgelope week by my ouma hulle gekuier in Newcastle. Oupa hulle het Donderdag gekom en ons het Vrydag gery na hulle toe. Saterdag was ons maar net by die huis, en het geswem en TV gekyk en die kleintjies en ouma het besluit hulle gaan stap en brood en melk koop. Ek het my GL kursus se goed begin lees (dis nogal boring vir ons om in 'n dorp oor te bly...).

Die Sondag is ons Memel-kerk toe. En toe het ons na kerk deur die Normandienpas gaan ry. My ma het toe sy klein was skape daar rond getrek en my oupa wou ons dit gaan wys het. Hy't ook vertel van 'n paar ongelukke wat al daar gebeur het. Toe ek die afdraande sien toe verstaan ek dit geheel en al! Dis HOOG en STYL! Maar dis mooi!!! Rêrig baie ook!

Maandag was ons net by die huis en ek het my kursus se lêer gelees.

Dinsdag het ek en ouma gaan klere shop... Ek is nogal erg as dit by klere kom, en my ma en ouma en my smaak verskil meer as net dag en nag!!! Gelukkig was dit net ek en ouma. LOL!

Woensdag het ek die laaste goed in my lêer deurgelees en toe het my ma-hulle gekom. Al ons kinders het weer vir 'n slag geswem, want dit was nogal koud, alhoewel die kleintjies geswem het en dan met blou lippe uitgeklim het. Veral Maandag!!!

Vanoggend het ons gou gaan kos koop en toe hamburger-patties gaargemaak om hammies langs die pad te eet. Toe het ons die pad terug aangepak... In Ermelo het ons Henry se vriend opgelaai. En toe in Middelburg, my vriendin. Toe het ons gou geëet en weer begin ry. Ons het toe gou by Loskopdam gestop wat oorloop laat die "stoom" (een van die kinders in die familie het gepraat van stoom toe hul die eerste keer die miswolke gesien het) staan.

Toe't ons reguit huis toe gekom, by die huis was dit toe al skemer-donker. Toe ons voor die garage deur stop toe begin my ma se hond blaf vir die voorwiel, toe's daar 'n klein Mosambiekse spoegkobratjie!!! Wat 'n verwelkoming!

Byvoeding

2010-03-30T07:42:00.000+02:00

Ons is toe eers omtrent vyf uur hier weg, my pa het gesê ek moet kwart voor vier reg wees dan kom laai hy my op. Maar toe kom laai die oom die nuwe bul vroeër af (ek skryf later oor daai een). Ek’t toe nog aan skok gely, my bene het soos jellie gevoel!

Toe ons daar aankom Het ons eers die enetjie gekry maar hy lyk toe of hy heel okay is. Toe sien ons die ander een, sy ma is simpel, sy los nie haar kalf nie, en die kalf hol agter haar aan, toe kom laas jaar se kalf ook daar aan en daar’s nie ‘n manier dat ons daai kalfie gevang gaan kry nie! Wel, die groot kalf het ons oë oop gemaak want die grote het al die bies op gedrink en die kleintjie het nie sy nodige teenliggaampies ingekry nie. Toe soek ons, ons byna dood, en uiteindelik kry ons toe die koei by die krip besig om water te drink en toe jaag ons haar sommer die kraal in. Toe moet ons die kalf vang! Dit was ‘n nagmerrie! Hy was naby die kraal en ek het begin bies aanmaak, toe begin hy hol, hy hol toe tot by ‘n kwaai koei wat haar kalf verloor het en toe hol hulle die ou lande in! My pa sê toe ek moet die melk aflaai en op die grond klaar aanmaak. Hulle ry toe. Na ‘n ruk se gespook ry hul al lans die koei en die kalf, Henry duik toe van die bakkie af en vang die kalf.

By die drukgang het ek toe die melk aangemaak en die koei dopgehou soos wat sy blaas en raas en sand opskop! Toe laai my pa die kalf af en ons jaag die koei die drukgang in. Toe tel ek henry en sy pel die kalfie of en spook met die bottel! Dis weer een van daai kalwers met ‘n koue bek en dit voorspel nie iets makliks nie (tensy keel afsny ‘n opsie is). Terwyl ek en die seuns met die kalfie spook, help ‘n werker my pa om die koei in die drukgang stewig vas te vang, sodat hulle haar kan melk om te sien of sy mastitis het. Ons het toe nie die ding waarmee ons die koeie se bene vastrek sodat hulle nie kan skop nie, saam gevat nie en toe vat die werker die draadtrekker en maak haar bene vas. Toe melk my pa haar, maar twee van haar spene is droog en die ander twee is VET. Toe sit ons die kalfie in die drukgang en hou die spene vir hom en sit dit in sy bek. Na ‘n ruk toe vang hy die skimp en begin self suip. Toe spring die koei los, en die een houtpaal wat ons horisontaal in die drukgang gesit het laat die koei nie kan move nie, op sy kop!! Hy hol toe agter sy ma aan en begin toe weer suip. Die maan het al hoog gesit toe ons die koei en kalf uit die drukgang lei kraal toe, vanaand slaap hulle daar! Ek dink die houtpaal op die kalf se kop het hom goed gedoen, want hy’t lank gesuip!

Mosambiekse Spoegkobra

2010-03-29T23:23:00.000+02:00

Hierdie maand is die “grooooot skrik maand” Dis die eerste keer dat ek soveel keer so hard skreeu in so ‘n kort tydjie… Amper het ek uit die hospitaal geskryf, maar Jesus het ‘n beskermengel om my gesit en daarvoor sê ek net BAIE DANKIE!!!

Wel, ek moet seker die storie begin vertel… My pa het so tien-uur iets kom haal by die huis en toe sê hy ek moet reg wees na ete dat ons drie kalfies kan gaan byvoeding gee, dit moet so wees dat ons die melk in die bos kan aanmaak en gee. Ek sê toe nee dis reg, (alhoewel ek voel of ek op my voete aan die slaap kan raak). So elf-uur toe ry my ma in dorp toe om Henry se pel te gaan haal en ‘n paar vars goed te gaan koop. Ek skil toe aartappels en wortels en gooi dit in die pot, en gaan gooi die biespoeier in sakkies van honderd gram elk (om ‘n liter in die bos aan te maak), soek die nuwe tiet, kry die bottels reg en gooi kookwater in om al die kieme dood te kry. Toe kom kyk ek eers na die kos, ek het gedink as ek nou by die huis kom is hy al in vlamme. Gelukkig het niks gebrand nie! Toe kom my ma terug en ek stap toe weer na my tannie se huis toe (al die beeste se goed is in haar en my oumagroot se huis), om die kookwater uit te gooi en die tiet ook te steriliseer, toe gooi ek weer water in die ketel om te kook, en koue water in bottel. Toe stap ek weer terug. Ek is redelik kwaad (omdat my pel keel-infeksie of ek weet nie wat het nie en nie kan kom nie. En omdat ek so min slaap inkry en die kalfies wat nou nog tussenin kom en sommer net oor als). Om my bloeddruk net nog op te jaag sit daar toe ‘n voël heel bo in die boom en skreeu uit volle bors! Ek soek hom toe, want ek sal vir hom dood kyk, ek’t nie lus vir enige iets nie, en toe sien ek hom nie eers nie. Ek gooi toe my kop agter oor en kyk na die wolkies. Toe gly my regter voet effens, en ewe skielik begin al my tannie se honde vir MY blaf, dit was net een te veel en ek wip my, ek draai my kop en kyk na hulle reg vir raas en baklei! Toe ek my oë knip toe sien ek ‘n baie weird stert en die stert hou aan… Ek kyk toe af na my voet en sien toe hou Brakkenjan die slang onder my croc uittrek sy bek minder as vyf sentimeter van my voet af. Toe hy die slang onder my croc uit het, toe tel slang se kind sy kop op vir ‘n pik, ek spring toe, toe ek sien wat gaan gebeur en in die lug begin ek skree! “Mamma kom hier! Help! Kom help! Ma Hardloop. Kom bitter vinnig!!!” Toe bars ek in trane uit, en hoe meer ek vir Brakkies sê los die slang hoe meer speel hy met die slang.

Toe ek weer sien is ouma, ma, Henry en sy pel almal daar. Toe vat Henry ‘n stuk bloekom pas en vermink die slang nog meer! Die ding was toe al in stukkies geskeur soos die honde hom al gebyt het. Toe kom Henry se steekbaard Jack Russel, De La Rey uit, en hier hol al die honde weer op en af langs die draad! Toe byt Brakkenjan en De La Rey mekaar eers deur die draad, My ma hol toe my tannie se huis in om water te kry om die honde mee te gooi dat hulle net mekaar kan uitlos…In tussen krul slangetjie en try die ding seil! Toe tjank ek nog steeds. Toe die honde uitmekaar is, het ek die tuin vurk gaan haal en die een pen deur slang se kop gedruk. Toe het Henry hulle hom weg gevat en my ma het suikerwater gebring en ek het my bes probeer om te kyk of een van die honde nie dalk gepik is nie. Wonderbaarlik nie!

Na ete toe vra al die bediendes my of ek ‘n slang gesien het? Want hulle het my hoor skree! My ma sê toe dit het gekink of ek in die huis is en ‘n spinnekop gesien het, Henry stem toe saam dat dit so geklink het. Die ergste van al is ek was so 50m van hulle af weg!

Beter kon dit nie!

2010-03-27T03:39:00.000+02:00

Ek het vandag ‘n groot verlange na Cindy gekry! Ek het so verlang na “MY baba,” dat ek ‘n voorstel maak dat ek en Henry (ouboet) ry met die fietse en gaan kyk of ons haar sien. My Pa het my mooi laat verstaan dat Cindy glad nie na hom toe kom nie en sommer haar ore wapper (om te sê jy is in moeilikheid meneer gee pad!). Wel, vandag toe wip ek my! Niemand sê as hulle daar gaan water start nie, en hoe anders gaan ek daar kom. En hoe meer my pa vir my sê Cindy sal my nie herken nie hoe meer harde kop word ek!

Daar aangekom, sien ons die eerste bietjie verse en toe ek my mond oop maak en praat, slaan hulle op vlug! Ek stuur toe ‘n skietgebedjie op dat Cindy net nie SO wild is nie!

By die hek, is daar nog ‘n troppie, en ek doen die selfde, begin met hulle praat, en wat doen hulle, niks anders as hol die bosse in! Ek dog ek gaan dood! Waar is Cindy en is sy rêrig ook so wild?

Soos ons aan ry krip en kraal toe sien ons dat dit hulle troppie is wat daar lê! Dis die verse wat naby die huis geloop het en die een versie lyk baie bekend!

Ek sê toe Pienkie? En toe kyk die vers my so skeef weg aan! Ek wil toe in trane uitbars, want sy kom nie na my toe nie en ek sien nie vir Cindy nie! Toe sê Henry daar’s sy! En hy wys na ‘n vers! Ek soek nog na my baba en hier lê ‘n vers!!! My hart mis ‘n paar slae! En ek begin praat en roep en ag sommer net gesels! My stem hak toe bietjie op ‘n plek, want die trane van blydskap wil sommer loop en die van hartseer ook. Blydskap oordat ek haar na ses maande weer uiteindelik sien en hartseer oordat sy nie na my toe kom nie. Terwyl ek praat is dit amper of sy haar kop in ongeloof draai en haar ore so wil draai om dood seker te maak sy hoor reg, toe my stem hak, toe gee sy so ‘n ligte bulk, amper of sy wil sê is dit rêrig my ma wat eindelik weer kom kuier het?

Toe kon ek nie meer die versoeking weerstaan om na haar toe te stap nie! Op pad daarna toe gaan ek eers by Pienkie om, wel sy’t net my hand geruik en my skaars vyf sekondes kans gegee om haar voorkop te vryf toe loop sy.

Toe ek na Cindy loop wil sy my ontglip, en ek spring haar toe voor en hou my hand na haar uit , ruik hom en gee hom so ‘n paar lekkies. Dit gee my moed en ek begin haar kop vryf en later haar nek ook. Maar toe ek ‘n tree nader aan haar gee is dit amper of sy wil weghol. Ek vat toe my tyd en nie lank nie toe staan ek reg langs haar en ek vryf haar hele lyf, tot haar maag, (sy is tot dusvêr die enigste kalf wat ek onder die maag kan vryf).

Na ‘n ruk toe besluit sy dis genoeg. Toe gaan groet ek maar vir Pienkie en daarna “my Baba.” Cindy bly my fotogeniese kalf!!!

Ons het toe ons hande in die krip gaan was, toe kom ‘n paar verse en kyk wat ons doen. EK dink hulle het gewonder of ons mal geraak het…

Daarna pak ons toe die terugrit aan.

Dis sowat 8km wat ek vandag te fiets aangedurf het, en ek dink dis nie die eerste en laaste keer nie, dit was suksesvol en ek sal dit met graagte weer aanpak, volgende keer vat ek net kalfpille saam!!!

The Mayonnaise Jar

2010-03-23T11:28:00.000+02:00

When things in your life seem, Almost too much to handle,

When 24 Hours in a day is not enough,

Remember the mayonnaise jar and 2 cups of coffee.

A professor stood before his philosophy class

And had some items in front of him.

When the class began, wordlessly,

He picked up a very large and empty mayonnaise jar

And proceeded to fill it with golf balls.

He then asked the students, If the jar was full.

They agreed that it was.

The professor then picked up a box of pebbles and poured

Them into the jar. He shook the jar lightly.

The pebbles rolled into the open Areas between the golf balls.

He then asked The students again

If the jar was full... They agreed it was.

The professor next picked up a box of sand

And poured it into the jar. Of course, the sand filled up everything else.

He asked once more if the jar was full. The students responded

With an unanimous 'yes.'

The professor then produced Two cups of coffee from under the table

And poured the entire contents Into the jar, effectively

Filling the Empty space between the sand.

The students laughed.

'Now,' said the professor, As the laughter subsided,

'I want you to recognize that This jar represents your life..

The golf balls are the important things - God, family,

Children, health, Friends, and Favorite passions -

Things that if everything else was lost

And only they remained, Your life would still be full.

The pebbles are the other things that matter Like your job, house, and car.

The sand is everything else --

The small stuff.

'If you put the sand into the jar first,' He continued,

'there is no room for The pebbles or the golf balls.

The same goes for life.

If you spend all your time And energy on the small stuff,

You will never have room for The things that are

Important to you.

So...

Pay attention to the things That are critical to your happiness.

Play With your children.

Take time to get medical checkups.

Take your partner out to dinner.

There will always be time

To clean the house and fix the disposal.

'Take care of the golf balls first --

The things that really matter.

Set your priorities. The rest is just sand.'

One of the students raised her hand

And inquired what the coffee represented.

The professor smiled.

'I'm glad you asked'.

It just goes to show you that no matter how full your life may seem,

there's always room for A couple of cups of coffee with a friend.'

Please share this with other "Golf Balls"

I just did...

No sensitive readers!

2010-03-13T19:02:00.000+02:00

Julle hierdie is rêrig nie vir sensitiewe oë of ore nie! Maar laat ek begin...

Gister het ons ’n bulkalf verloor. Hy’t hom teen iets stukkend gesny en homself dood gebloei. Dit kan teen die lekdromme wees of “bees-moordenaars,” ons is nie seker wat daar gebeur het nie. My pa sê die een werker het my oom gebel en gesê “die baas moet kom!” Toe my pa en oom daar is en aan die kalf vat toes hy klaar koud, alhoewel hy nog asemhaal, terwyl hul nog daar is does die kalf dood... Hy’t homself rêrig dood gebloei! Daar was ’n plas bloed waar die kalf was. En teen die een lekdrom, dis moontlik dat een van die ander beeste hom gestamp het en toe kap hy, sy been oop! Maar dis diep! Baie ook! Die sny is deur sy vel en ’n hoof aar en die sening wat keer dat die been agtertoe buig! Kyk na die twee foto’s...

Dan jakkals probleme! Nog ’n ding waarvan ek nie hou nie! Hulle leef op jou wins en vreet jou as boer bankrot! ’n Koei in kalf is ’n baie lekker teiken. Want as die koei geboorte gee is sy nie rêrig soepel nie, sy staan swaar op ens. As ’n koei opgestaan het tydens kalwing, kan die kalf versmoor of net dood gaan van swakheid na geboorte, of hy kan beentjies breek ens. Wel, as jakkals se kind bloed ruik kom hy inspekteur, dan snuffel hy om die koei rond en maak die koei histeries (soos ek gister!), so try die koei opstaan en maak haar self in die proses seer! En jakkals spring en byt dan aan die koei. As die koei al in ’n redelike stadium van kalwing is, kan sy nie opstaan nie en dan begin die jakkalse haar van agter af vreet (lewendig!). Soos wat met hierdie koei gebeur het, ons moes haar skiet...

En as die kalfie klaar gebore is, beskerm die ma koei haar kalfie, sy steek, skop, stoot ens. na die jakkals se kant toe, in die kommosie kan sy op haar kalfie trap en dit kan sy lewe kos. Sy kan ook die jakkalse begin wegjaag reg na geboorte en dan kry kleinding nie melk nie (’n kalfie MOET in die eerste twee uur van sy lewe, sowat 2liter biesmelk suip om sy tongetjie sterk te maak en sommer sy lewensduur langer! Want ’n kalfie word sonder teenliggame teen bakterieë gebore. Die teenliggame kry hy uit die biesmelk, in die eerste twee uur na geboorte, neem sy liggaam dit goed op, maar daarna raak die opneem van teenliggame al swakker. Na ses ure neem die liggaampie die teenliggame as proteïene op en breek dit af, sodat dit nie meer as teenliggame in die bloedstroom opgeneem word nie) en word swak, dis dan dat ons die kalfie moet help sterk word om aan sy ma te suip. En baie van daai soort kalwers word hanskalfies... En gaan ook maklik dood. Want om daai tongetjie aan die gang te kry is hel!!! Dis nie ’n grap nie!

En dans klein kalfies ook mos ’n lekker teiken (dis nou te sê as die ma nie ’n baie kwaai ma is nie!). Dis klein genoeg om te jag en genoeg vleis om ’n paar jakkalse se pense vol te maak (ek wens hulle pense wil bars na elke kalfie wat hulle vreet!!!). Hier is ’n kalfie karkas, nadat die jakkalse hom op gevreet het. Die kalfie was ±2 weke en al sterk genoeg om sy gang te gaan, maar ’n aaklige rooijakkals, met sy vreeslike tande en aaklige gesig het hierdie mooi klein diertjie se lewe gekos.

“O spinnekop kind as ek jou vind, dan staan elke haar orent!!!”

2010-03-13T07:25:00.000+02:00

Netnou toe droog ek my hande af en die gordyn (die gordyn is reg langs die handdoekie en voor die gordyn is die wasbak (dis in die kombuis)) waai bietjie weg en toe hy terug sak toe is daar ’n spinnekop!!! En ek sien as ek my hande nie vinnig genoeg daar weg vat nie gaan die spinnekop van die gordyn af, tot op die handdoekie hol en dan op my hand, dan my arm, dan my LYF!!!!!!! Van skok sukkel ek toe om my hande uit die handdoekie te kry! Toe hak ek af en ek skreeu! KLIPHARD!!!! Dis ’n wonder dat die dak nog op die huis is! En ek spring, so hoog en so ver as wat ek kan! Toe bars ek histeries in trane uit! Ook kliphard!

Henry (oudste broer) wat gesit en eet het val toe amper van sy stoel af, van my geskree! Toe hy, sy bewussyn (LOL!) herwin, hol hy en gaan maak daai spinnekop vrek! Ek was toe op mxit en het met Henry se pel gepraat, ek skree toe vir Henry praat met jou pel ek kannie nou nie! Hy stuur toe “my sussie is histeries sy kannie nou praat nie!” sy pel reply met “spinnekop?” Wys jou al sy pelle weet al ek haat ’n spinnekop!

Die drie kleintjies (Johan, André en nefie) het rustig gesit en speel in die sitkamer, maar moes net na die kommosie kom kyk! Henry stuur toe vir Johan en nefie om suiker water te gaan haal, klein André kom staan langs my en vra die heeltyd “hoekom huil jy dit was net ’n spinnekop.”

Na seker maklik vyftien minute, hou ek toe op met tjank, toe sê neef “jy weet wat? Ek dink dis die heel eerste keer dat ek jou so hoor gil – dit was HARD! En ek het jou nog nooit so hoor huil nie! En ek dink dis die eerste keer dat Henry sê maak gou! As daar iets vir jou gedoen moet word.”

My ma het met haar ma gepraat, toe dit die kommosie was. Toe sy klaar is kom vra sy my: ”Tich, soos wat jy aangaan het ek gedink El (een van my BFF’s) het gesê sy wil nie meer iets met jou te doen hê nie. Of R (nog ’n BFF) wil nie meer met jou praat nie. Of K (nog ’n BFF) het gesê sy kannie meer kom kuier nie. Maar nou moet ek hoor dit was maar net ’n spinnekop...”

Wel, as dit een van daai was, het ek ook so histeries geraak! En dalk nog erger te kere gegaan, maar ’n spinnekop bly erg!!!Ek dink vanaand kry ek nagmerries van niks! Thys die Bosveldklong stel dit goed: “O spinnekop kind as ek jou vind, dan staan elke haar orent!!!” Well that’s me!

Jabadabadooo!!!!

2010-03-09T05:13:00.001+02:00

Vandag loop ek met ’n groot smile rond! Ons het vandag ons nuwe leotards gekry! Dis kortmoue en is baie koeler as die driekwartmoue! Dit sit vrek lekker! Ek wil sommer heeldag daarmee loop! LOL!

Ek gaan gou ’n lysie maak van als wat die leotard is... (ek't ’n boek (genaamd kondensmelk, ek moet sê dis ’n oulike boek!) begin lees en die hoofkarakter maak sulke lysies)

1. Die leotards sit goed

2. Die leotards lyk BAIE mooi!

3. Die leotards is baie koeler as die voriges

4. Jy voel skoon beter en mooier in hul

5. Dis net nice!

Kyk hoe lyk ek!

SES!!!

2010-03-04T20:18:00.000+02:00

Julle vandag is my jongste boetie 6! Ek kan dit nie glo nie! Die tyd vlieg! Ek en hy verskil tien jaar en dit laat my sommer oud voel!

Ek het vir hom ’n kaartjie gemaak, in ’n seshoek, sommer net oordat hy ses is. Foto’s van elke jaar en byskrifte vir elke foto het ek ingesit en dit wat in ’n gewone verjaardagkaartjie sal staan het ek aan die linkerkant ingeskryf. Oordat ons sover uit die dorp bly kon ek nie gaan foto’s maak nie en toe moes ek dit hier print en is swart en wit. Dit het toe te dood vir woorde gelyk, toe kleur ek dit so hier en daar in en sit verskillende kleure onder die foto’s toe skryf ek met dieselfde kleur pen as waarop die foto geplak is die byskrif van die foto.

Die boek waaruit ek gewerk het, het die papier gesny op twee plekke, oordat ek vir ’n klein rowwe mannetjie ’n kaartjie maak moes ek iets uitdink om die kaartjie stewig te hou, so maak ek toe ’n toets kaartjie en vou die hele kaartjie, dit het tyd gevat, maar toe ek klaar was (na al my oordoen, want dit was nie presies nie), was ek heel gelukkig oor my prestasie!

Ek het die kaartjie afgerond deur ’n 6 op blou papier te skryf en ’n bubble sticker oor te plak, toe vat ek hekelgare en maak dit om die hoeke vas (dit was net vir die oog, want die gare wou nie bly waar dit moes nie). Ek was bang dat die gare losgaan toe sit ek die kaartjie in die sakkie. Eks nogal trots op myself!

Ek het vanoggend nog rustig geslaap toe sing my ma en my twee boeties hom wakker (my pa was toe al uit om beeste vir die volgende veiling te laai) en sommer vir my ook. Al is my kamer amper aan die anderkant van die huis...

Ons het gister sy partytjie gehou, want vandag het hy swem en ons gimnastiek.

Veiling

2010-02-24T01:03:00.000+02:00

Gister is ons na die gimnastiek toe en my ma kom laai ons op en sê sy moet net gou gaan brood en vis koop vir môre, eks soos in “vir wat?” en sy sê “want jou pa het gevra ek moet kry.” Toe ons by die huis kom, kom Johan (tweede jongste) die huis in, “julle môre verkoop ons beeste. Jus, hulle het ons vandag laat hardloop, julle het gemis. Die goed is wilder as wat kan kom.” (dis die wilde trop, ons vermoed mense het jag gemaak op hulle). So hoor ons toe dat hulle vandag beeste gaan verkoop en dis natuurlik waarvoor die kos is. Nogal iets om na uit te sien. Maar dis in skool tyd!

Toe my pa instap is dit die eerste ding wat ek hom vra “Pa kan ek môre saam gaan?” hy’t my aangekyk of ek van my sinne beroof is en hy sê toe “ wel, as jy kans sien om môreoggend 4:15 op te staan is dit reg met my. Ons ry 5uur, as jy laat is bly jy.” Yes! En so kom dit laat die boeties ook vra... Dis nie wat ek wou gehad het nie, maar dis nou maar hoe dit is...

Ek stel toe my selfoon vir 4:15 net vir daai kwartier se ekstra slaap! Ek mag dit dalk net nodig kry. Toe is my ma en pa uit om te gaan onkruiddoder spuit. Ek maak toe klaar vir bed en na kwart voor elf toe besluit ek, ek gaan nou nie wag tot ma-hulle hier is nie nou maak ek my oë toe en slaap.

Jipperz toe daai wekker afgaan toe val ek amper van my bed af! En ek lê toe nog ’n rukkie en toe kom ek agter daar is nie ’n geluid in die huis nie, ek besluit toe maak maar weer jou oë toe en slaap, ma sal in any way kom kyk of ek op is. Twintig voor vyf toe kom maak my ma my wakker, toe vlieg ek uit die bed uit, gryp my klere en pluk dit in die stik nag donker aan, toe ek by my kamer uitstap (reg vir die dag) toe is my pa nog besig met Bybelstudie! Ek kry toe sommer die piesangbrood en smeer dit en haal oorskiet rooiworsies uit die yskas en sny dit en nog druiwe. Ek kry my water reg en begin inpak vir die DAG wat voorlê.

Ag, kwart oor vyf toe stap ons stoor toe en toe start my pa die trok en sluit die stoor en die hek oop, toe trek hy die trok uit en sit hom reg in die pad. Half ses toe kom my oom aangestap en toe almal uiteindelik daar is, (en my koffie al op is en ek lus vir die volgende beker) toe ry ons. By die sandplaas (die wilde trop is nou daar) gekom, ry ons met die trok voor en my oom met die cruiser agter.

Ek't so gelag want toe ons afgery kom in die pad en die beeste die trok sien toe hol hulle in drie verskillende rigtings! My pa stop toe die trok en ons (ek (oudste), Henry (tweede oudste) en Johan (tweede jongste)) klim op die cruiser. Na ’n gespook van byna ’n uur, het ons die beeste in die kraal... Gelukkig het hulle die beeste gister in ’n kleiner kamp gesit!

My oom en almal wat die beeste ken, keer toe die wilde beeste uit. Ons laai toe die eerste vrag en my oom en ’n werker ry toe (die een koei wat in daai vrag gegaan het, is mal! Sy spring sommer oor die kraal!

En toe my oom terug is eet ons gou ontbyt en toe ry ek en die broers (André, die jongste, het hom vir ons gewip oordat ons hom nie wakker gemaak het nie en toe besluit hy, hy bly by die huis) saam met my oom en gaan veiling toe! Dis die heel eerste keer dat ek op ’n veiling was! Want of eks te klein of eks ’n meisie of, of, of... Maar ek is so bly ek kon saam gaan, maar ek dink party maal ek is besig om al wilde en wilder te raak! Een van die dae verkoop hul my ook op ’n veiling. LOL! Nee, dit glo ek darem nie, hulle sal my nie maklik laat gaan nie!

Ek het dit so geniet!!! En nou het ons sommer ’n bietjie moeilikheid minder. LOL!

Besig om uit-te-keer...

En op te laai...En reg vir ry...By die veiling, nadat ons afgelaai het.

Oupa se Sojas!

2010-02-20T02:01:00.000+02:00

Wat is sojaboontjies? Dis ’n peulplant wat oorspronklik van China af kom. Vandag word dit wêreldwyd geplant. In die Ooste is dit 'n gewilde kossoort, maar elders word dit hoofsaaklik vir dierevoeding gebruik - die soja-oliekoek. Soja-olie word uit die sojabone onttrek en vir kookolie gebruik en kan ook vir biodiesel gebruik word.

My oupa plant al lankal sojabone en het 'n maatskappy wat sojasaad ontwikkel. 'n Paar jaar terug het hy sojas aan SPP voorsien en het as hy kom kuier , van hulle sojaroomys en gegeurde sojamelk saamgebring sodat ons kon proe. Dit was lekker, maar tog weird...

Nou kweek en ontwikkel hy hy soja kultivars wat vir die boere 'n hoër opbrengs kan gee. Hy het reeds al ’n sojaboon gekweek wat in sowat 4 maande reg is vir stroop - hy werk met verskillende vatiëteite en kry steeds korter groeiers en verbeterings met opbrengs.

Sojas is selfbestuiwend en om kruisbestuiwing te doen, moet die blomblare van die een plant afgehaal word en sy stuifmeeldrade verwyder word. Dan moet stuifmeel van die ander plant by die blom gebring word. Dan volg heelwat proewe, eers in die tuin en wanneer daar genoeg saad is, ook in die land totdat daar genoeg is om te kan verkoop.

Dit is met hierdie proewe in die tuin waar hierdie reus uitgepop het.

http://www.landbou.com/dienodulering-ongekend-soja

http://www.landbou.com/bedrywe/akkerbou/ander/nuwe-hoop-vir-sojaboere

http://www.landbou.com/nuus/nuus-artikel/moenie-oorboord-gaan-met-biodiesel

Boooohooooo!!!

2010-02-18T00:23:00.000+02:00

Hoe moet ek dit stel? Hoe moet ek dit uitdruk? Eish! Dis nogal ’n moeilike een!

Ons verloor koeie en kalwers, maar nooit ’n hoop vol nie. Die bulle word gekoop en verkoop na ’n afloop van ’n paar jaar. ’n Bul is tussen twintig- en vyftig duisend rand. En dan kan hy net “woeps” vrek... Daar’s altyd die risiko wat jy loop.

Ons het die afgelope paar weke tussen die lande beweeg en net vir die beeste gaan water pomp, dis spitstyd op die plaas want daar word geploeg en geplant. So drie weke terug het my oom begin sê dat hy nie vir Hoed (die bul) sien nie en die naweek toe bespiegel ons waar die kabouter kan wegkruip en wat met hom gebeur het. My pa sê toe veral wat jy weet net ’n hopie wurms... Ek hoor toe ’n hopie horings. Ou Hoed het ook net sulke cute klein horingtjies...

Gisteraand toe reën dit net genoeg om ons uit die lande te hou (10mm) en my pa en oom besluit toe om ’n soektog vort te sit. Ek het daarvan gehoor, maar my nie veel daaraan gesteur nie.

Met middagete stap my pa die huis in “slegte nuus” my riaksie was, “wat’s so sleg? Is Hoed dood?” Toes die andwoord “Ja, een van die werkers het op sy bene afgekom, nie ek of jou oom het al gaan kyk nie” en hulle weet ook nie wat met hom gebeur het nie...

Dit lyk dalk nie op die oog af of dit my vang nie, maar ek't ’n baie sagte plekkie vir Hoed gehad! Die rooi bul met die groot skof, wat nes ’n oudtydse hoed lyk en die groot dik kop met lang ore en klein cute horingtjies.

HoEd Ek MiS jOu Ou GrOtE!!! En jy sal altyd in my kop ’n prentjie bly, al is dit net dofweg of vaal, al is dit net skrams, jy sal altyd daar wees...

Maroela...

2010-02-08T05:28:00.000+02:00

Ons was vandag sandplaas toe. Wens ons kon weer swem, maar die dam is al weer half (want dis spitstyd op ons plaas en die pa’s kry nie tyd om te gaan waterpomp nie) en die watergras het klaar begin groei.

Ons is saam om te gaan maroelas op te tel, om maroela jellie te maak. Maar geeneen van ons is vanplan om sonder fun terug te gaan huis toe nie! Toe ons by die hek inry toe sien ons ’n skilpad! Die seuns het paaie gemaak in die pad en lekker in die sand gejol! En ek het gekyk hoe waaghalsig ek kan wees om ’n paar foto’s te neem toe ons water gestart het, ek't op my ma se senuwees gewerk! Toe ons maroelas gaan optel toe gooi ons die ou en vrot maroelas en skiet die pitte met die ketties! Die Plaaslewe is FUN!!!

Een enorme sandput!!! André, Johan en nefie...

Ek, besig om ’n goeie uitsig te soek, op die sonpanele se “stand” (die sonpanele is ’n paar jaar terug gesteel).

‘n Uitsig oor die bos...

En na die pad se kant toe.

Spinnerak.

Sonsondergang onder die maroelaboom.

’n Hottentotsgot

2010-01-29T04:37:00.000+02:00

Het jy al ooit so iets gesien?

Johan het vandag met ’n hottentotsgot se “vel” by die huis in gestorm “Mamma, mamma kyk wat kry ek! Dis ’n bidsprinkaan se vel!!!”